Sam 12:1-8
-
Chɛhowa chɛŋ le mbo tosa isɔɔ
-
Sɔɔŋ Chɛhowa dimi woŋ cho ŋ diandaa (6)
-
O wana sim lachi le chondei yo lo. A mɛɛ Siɛminiti* chomul lɛ. Chondii Deeve ve.
12 Oo Chɛhowa, piŋi ya. Kanifuule, wana chɔm lo lechoo wo wo cho lɛ le.Wanaa laalaŋ o num niŋnda lo pɛ ŋwaŋnda chiee tɛɛŋ.
2 A cho choolaŋ dimulaŋndo,Ma wa sɔɔŋ sondo yeelɛiyoŋ dimioo, nduyɛ ma hui waŋnda.
3 Chɛhowa cho chɔchɔŋ wanaa dimi sɔɔŋ yeelɛiyoŋ nda kpou kili kili,Nduyɛ mbo kili vɛlɛ diɔɔmuii wanaa heeluŋ heelɔŋ bɛndoo wa.
4 Waŋnda haa cho dimioo aa: “Ŋ cho batiuwaa sɔla a diɔɔmuii nɛi.
Ŋ cho chɔchɔŋ naŋ soliŋ kpeku mɛɛ naŋ yeema yɛ.O nɛɛnɛ yeema yɛ mbo wa naa choo masa?”
5 “Wanaa nyɛ kindilaa cho choo wa cho saŋgaa,Mi wanaa bala fonduaa wa mɔnɛi biyɔɔ.Lelaŋ, I cho chɔnɔŋ mi tosa nyɛ.” Ya Chɛhowa dimi lende ni.
“I cho nda piŋi wanaa cho nda nyɛpalaa tusioo choo wa o ba.”
6 Sɔɔŋ Chɛhowa dimi woŋ cho ŋ diandaa.Ŋ cho ko mɛɛ nda kei nuaa kanii humbuei o tondo leyiŋndo niŋ bɛmbɔɔ le ŋɔmmɛu le ndi dindioo yɛ.
7 Oo Chɛhowa, a cho nda manda.A cho wana o wana o waŋnda haa tɛɛŋ manda le fɛɛŋ a fɛɛŋ.
8 Wanaa dɛnɛ wɔɔŋnda cho balɔɔ ba o ba fee,Nduyɛ mi chuauwaa ŋwaŋnda chiee wa sɔɔŋ kɔl vesɛiyoŋ tooloo.
Tɛɛsiaalaŋ
^ Tofa Tɛɛsiaa.
