Sam 120:1-7
Chondii Wanaa Cho Helɔɔ Chiee Wa.*
120 I wa o nyɛpalaa niŋ mi nyuna Chɛhowa le malaa,Nduyɛ mbo muli ya diom.
2 Oo Chɛhowa, piŋi ya wanaa dimi choolaŋ a ŋ chɔchɔ wa,Vɛlɛ a wanaa hui waŋnda a lediɔɔmu wa o ba.
3 Nya wanaa hui waŋnda a lediɔɔmu wa, yɛɛnɛ Mɛlɛka cho yɛ nya tosal?Nduyɛ dɛnɛ palaa kuɛɛ o cho yɛ nya tusi choo?
4 O cho nya vii vii a chiŋɔma sɛɛmbiaa kuubanɔ chɔuwo,Nduyɛ mbo lom nya a dɛŋgultaŋ.
5 Kpundɔɔ cho le ya, kanifuule I wa ichali o sumialle o Misiɛki niŋ!
Nduyɛ o tɛndiilaŋ tɛɛŋ Kidaa ya wa ichali ni.
6 Le teleŋ vilɛi, I wa latuluA wanaa tul kɔl nyuloo leyɛ wa.
7 I cho le kɔl nyuloo, kɛ te I soo pɛ,A chɛŋ le ya chɔulabaa.
Tɛɛsiaalaŋ
^ Tofa Tɛɛsiaa.
