Sam 122:1-9
Chondii Wanaa Cho Helɔɔ Chiee Wa. Chondii Deeve Ve.
122 Mi duaunuŋ nyaale mɛɛ nda dimul la aa:
“Ŋ kɔŋnuŋ o chiɛi Chɛhowa wo.”
2 Oo Chulusalɛm, ŋ cho suŋ suŋ isisiO diola kpakila numndaŋ.
3 A taŋgul Chulusalɛm,Mi chiɛilaŋ la wa chikpi chikpi maa chiee bɛndu.
4 Kaalaŋ la kuɛ Chulusalɛm.Kaala Chɛhowa laŋ la kuɛ,Le ma mel diola Chɛhowa laŋ balikaa,A mɛɛ nda loonuŋ Isɔluɛiya yɛ.
5 Loŋ nda kɛsi kpeŋgbeilaŋ* ni le yamaŋ kiolɔɔ,Kpeŋgbeila lemasalaŋ le chiɛi Deeve wo.
6 La piɛi le mi kɔl nyuloo wa Chulusalɛm.
Oo chiee bɛndoo, wanaa kaala numnda cho waŋnɔŋ hɛnɛkɛ siooŋii bii nda le.
7 Maa kɔl nyuloo hiou lachi a waa o kpakila nyalaŋ choo,Nduyɛ mi wanaa cho o chiɛila nyala choo choola kala kalaŋ niŋ nda waŋnuŋ hɛnɛkɛ nyɛ yɔŋnuŋ nda le.
8 Le sabu wanayaŋ nuŋ a chaaŋaa niaa, I cho dimi aa:
“Maa kɔl nyuloo wa Chulusalɛm fɔ!”
9 Le sabu chiɛi Chɛhowa Mɛlɛka naa,I cho piɛi le mi dɛnɛ kɛndɔɔ komal num.
Tɛɛsiaalaŋ
^ Ɔɔ “kpɛŋɛlaŋ.”