Sam 123:1-4
Chondii Wanaa Cho Helɔɔ Chiee Wa.
123 I heelu hɔlla o numndo,Num cho hoo ichali o kpeŋgbei* lemasaa choo o choo choo niŋndo.
2 Mɛɛ buɛiya tofa nuaa masanɔ ndaa le nda malaa,Nduyɛ mi buɛiyaa laanduaa tofa masanɔ nda laandoo le nda malaa yɛ,Lende koni naa bɛɛ tofa Chɛhowa Mɛlɛka naa ni,Haaa mbo tuiinuŋ naa inyiɛɛ.
3 Oo Chɛhowa, tuiinuŋ naa inyiɛɛ, a yandii tuiinuŋ naa inyiɛɛ,Kanifuule ŋ saŋga niŋ a bɛɛla nda cho naa tɛɛmbuuwo laŋ.
4 Ŋ saŋga niŋ yɔkɔɔ a mamɔɔ wanaa tiindaŋ ndapila wa cho naa wo,Vɛlɛ a bɛɛla wanaa yoŋgaa cho naa tɛɛmbuuwo laŋ.
Tɛɛsiaalaŋ
^ Ɔɔ “kpɛŋɛ.”
