Sam 124:1-8
Chondii Wanaa Cho Helɔɔ Chiee Wa. Chondii Deeve Ve.
124 “Te Chɛhowa ndoo ve a naa latulu le,”
Waŋnda Isɔluɛi la dimi wɔ lende,
2 “Te Chɛhowa ndoo ve a naa latuluTeleŋ waŋnda chiŋalaŋ naa wo le,
3 Mɛɛ ŋ wa lo yoomu mi ndaa mel naa,Teleŋ nda dɔɔnuŋ tumbe a naa o kala kala wo.
4 Tindileŋ le wa naa lɔɔ,Okoŋ mi mɛŋma bɛnduaŋ maa hiounuŋ a naa.
5 Mɛŋma yokpaŋ yokpaŋ ndaŋ ma wa naa kumbɔɔ kpu.
6 Maa Chɛhowa sɔla saŋgalaa,Kanifuule o mel naa nda o ba ma sɛɛsiaa naa a ŋ chiŋ te.
7 Ŋ cho ko maa you hɛluŋYaŋɔɔle doosunɔ youwa wo.Mɛɛ yaŋɔɔleŋ le biondu,Miŋ hialuŋ.
8 O diola Chɛhowa laŋ niŋ naŋ sɔla malaa ni,Wana toosiaa choo choo a lɛŋndeŋ ndo.”
