Sam 125:1-5
Chondii Wanaa Cho Helɔɔ Chiee Wa.
125 Wanaa tiindaŋ o Chɛhowa niŋndaCho ko maa Pembii Saayɔŋ Nde. I hiiluŋ te,Kɛ i cho wa le fɛɛŋ a fɛɛŋ.
2 Mɛɛ pembuŋ bɛndoŋ balu Chulusalɛm yɛ,Lende koni Chɛhowa balu wanaa nduaa ni,Chɔŋ a hau mbo kuɛ le fɛɛŋ a fɛɛŋ.
3 Wanaa dɛnɛ wɔɔŋnda cho hiouwɔɔ lachi a waa ŋmasa o lɛŋnde wanaa cho sakpo wa niŋ te,Yɔŋii wanaa cho sakpo wa muliŋ dɛnɛ wɔɔŋndo tosaa.
4 Oo Chɛhowa, tosal wanaa kɛndiaa,A wanaa cho sakpo o kɔlta ndalaŋ niŋnda sɔɔŋ kɛndɔŋ.
5 Kɛ wanaa mal nɛi tonyaa ma muliŋ kɔlaŋ o nɛila kɔŋgɔdi kɔŋgɔdi laŋ choo wa nda,Chɛhowa cho nda basɔɔ nda wanaa dɛnɛ wɔɔŋnda latulu.
Maa kɔl nyuloo wa Isɔluɛi choo fɔ!
