Sam 126:1-6
Chondii Wanaa Cho Helɔɔ Chiee Wa.
126 Mɛɛ Chɛhowa chuuŋgiaa wanaa nda bii Saayɔŋ ma kua a nda o chɛleŋ niŋnda,Miŋ yiyaŋ maa luaŋ naŋ wa sɔllo ni.
2 A teleŋ koŋ, miŋ mam tau tau,Nduyɛ miŋ deŋi choo choo a nyaaloo.
A teleŋ koŋ, mi waŋnda o kaalaŋ niŋ dimi aa:
“Chɛhowa tosal nda sɔɔŋ kɔndɔfilloŋ.”
3 Chɛhowa tosal naa sɔɔŋ kɔndɔfilloŋ,Nduyɛ kɔl kɛndɔɔ hiuwaŋ naa puŋ.
4 Oo Chɛhowa, chuuŋgiaa wanaa naa nda kuɛ o biyɔɔ niŋnda,Maa peelaŋ o Nɛkɛbi niŋ.
5 Wanaa saŋ kulloŋ a mɛmiaŋ o lahɔl la,A cho kouwɔɔ a nyaaloo.
6 Wana fula hoo o bɛɛ a chaŋndo,Mbo wa kɔlaŋ a bɔlɔ iyɛiyo wo,Cho miiŋgu chiɛiniŋ a nyaaloo,A kpɔŋnda ndɔlaŋ o laba.
