Sam 127:1-5
Chondii Wanaa Cho Helɔɔ Chiee Wa. Chondii Sɔlɔmɔŋ Nde.
127 Te o cho mi Chɛhowa pila taŋgul chiɛiyo le,Mɛɛ fondo fuu wanaa taŋgulaa saŋga ni le ndu taŋgullo.
Te o cho mi Chɛhowa pila manda chioo le,Mɛɛ fondo fuu wanaa mɛŋgɛlaa lɔl lahɔl ni.
2 Te o cho mi Mɛlɛka pila dɔu nya sala le, mɛɛ fondo fuu nya chaŋ idii puŋ ni,Mi la lo fafalaa haaa mi le del doŋ,Le nyɛdiaa sɔlaa.Kanifuule, ndu ke wanaa nduaa o kaala wa nyɛdiaa ni nduyɛ mbo tosa ma lɔl nyɛkɛndɛi.
3 Chuauwa,* nyɛm kɛŋ chɛŋ o Chɛhowa lo woŋ nda cho ni.Kɔmnde fula o demboo niŋndeŋ, fanda Mɛlɛka yɔŋgu wo cho koŋ ni.
4 Mɛɛ chiŋuaŋ ma wa nuaa kuubanɔ chɔuwo o ba yɛ,Lende koni chuauwaa waŋndo vialu o feleŋgɔyɛi nduɛi niŋnda wa ni.
5 Kɔl kɛndɔɔ cho le wanaa pei chiŋuaŋ cha o bɔlɔla ndalaŋ niŋnda.
Siɔmbula bii niŋ nda le,Kanifuule a cho isɔɔ a yaamɔɔwa o dio kpaki chioo.
Tɛɛsiaalaŋ
^ Hibuluiye, “Puaa.”
