Sam 128:1-6
Chondii Wanaa Cho Helɔɔ Chiee Wa.
128 Kɔl kɛndɔɔ cho le wana nɔ siooŋii Chɛhowa ve,Nduyɛ mbo kua o nɛila ndɔlaŋ choo wo.
2 A cho nyɛ bala numndaŋ la tosa wallo kalaŋ le sɔlaa wo dio.
A cho wa a kɔl kɛndɛ nduyɛ ma tuei sul numndo yeela.
3 Laa num cho wa maa yɔm makilepii yɔŋgu kɔmndeŋ tau wo o chiɛi numndo niŋ.Puaa numnda cho tibii* numndo balɔɔ silɔ mɛɛ yɔm ma ɔlifiiyo soli nuaa lɛuwoŋ miŋ balu ndu silɔ yɛ.
4 A tonya! Nuaa Chɛhowa duau,Wana nɔ siooŋii nduɛi yo sala ni.
5 Chɛhowa cho lo Saayɔŋ mbo dɔu num sala.
Maa chɔ nyɛm kɛndɛŋ cho wa Chulusalɛm ndoŋ a teleŋ ŋ cho wa yoomu wo kpou,
6 Nduyɛ ma che puaa num aa mamaa.
Maa kɔl nyuloo wa Isɔluɛi choo fɔ!
Tɛɛsiaalaŋ
^ Ɔɔ “tabali.”
