Sam 129:1-8
-
Ma chiŋalaŋ ya, kɛ a tiu ya ba le
-
Wanaa tul Saayɔŋ leyɛ wa tambu labɛɛ (5)
-
Chondii Wanaa Cho Helɔɔ Chiee Wa.
129 “Chɔŋ o feleŋgɔyɛi nii niŋ, a cho tuŋ hiouwɔɔ lachi a ya chiŋalaŋndo.”
Waŋnda Isɔluɛi la dimi wɔ lende
2 “Chɔŋ o feleŋgɔyɛi nii niŋ a cho tuŋ hiouwɔɔ lachi a ya chiŋalaŋndo,Kɛ a nɔla ma yem ya le.
3 Wanaa waa wayiaa ya o kɔɔ,Ma hɛɛnduu pulama vilɛiyaŋ.”
4 Kɛ Chɛhowa ndu cho sakpo.O kili kili yuei wanaa dɛnɛ wɔɔŋnda bayiaa ve.
5 Wanaa tul Saayɔŋ leyɛ wa kpou,A cho tambu labɛɛ nduyɛ ma miiŋgu a siɔmbulaŋ.
6 A cho simnɔŋ maa bil wul o yindɔɔ choo wo,O vesa tuupa ma tusi ndu lɛŋ ndo.
7 O pei wana kuauwaa baa le,Kɛlɛŋgaa niŋ te mbo pɛ wana dii kpɔŋndaŋ naapilɛ wo o laba.
8 Maa wanaa cho wa hiouwɔɔ wa duau num sala,
O diola Chɛhowa laŋ niŋ ma dimi aa:
“Maa sala Chɛhowa wo wa num choo le fɔ!”Ŋ dɔu num sala o diola Chɛhowa laŋ niŋ te le.”