Sam 13:1-6
O wana sim lachi le chondei yo lo. Chondii Deeve ve.
13 Oo Chɛhowa, le vɛɛ kpɛ ŋ cho yɛ puɛɛnɔŋ a ya? Baa lefafɛɛŋ?
Le vɛɛ kpɛ ŋ cho yɛ ya hɔlaa numnda faŋa choo?
2 Le vɛɛ kpɛ ya cho yɛ hiouwɔɔ lachi a buulaŋndo?Lepaa o lepaa, kɔl nuu cho o saŋgaa niŋ.
Le vɛɛ kpɛ yaamɔɔnɔ nuu cho yɛ hiouwɔɔ lachi a ya batiuwaa sɔlaa choo?
3 Oo Chɛhowa Mɛlɛka nuu, tofa ya nduyɛ ma mulul la.
Tosa mi hɔlaa niaa che nyɛ wawoŋndo, yɔŋii ya sɔla piɔmndo,
4 Okoŋ mi yaamɔɔnɔ nuu dimi aa: “I chii ndu yomɔɔ!”
Tosa mi yaamɔɔwaa niaa dɔɔnuŋ nyaale le mɛɛ nda yem ya yɛ le.
5 Kɛ ya ya, kaala lo lechoo numndo ya tiindaŋ ni.Nduyɛ, kɔl nuu cho wa a nyaale o walta numnda piŋiaa laŋ niŋ.
6 I cho chondei soli le Chɛhowa, kanifuule o dɔu ya sala tau tau.
