Sam 137:1-9
137 Miŋ chal o peelaŋ Babilɔŋ kɔŋgɔ.
Miŋ chaŋ tau mɛɛ naŋ yiyaŋ a Saayɔŋ okɔɔ.
2 Miŋ lɛɛnduu towala naalaŋO yɔmii nduɛi* choo.
3 Loŋ wanaa bii naa wa dimul naa ni le miŋ solul nda chondei.Wanaa wa naa mamɔɔ wa ndaa yeema miŋ tosal nda sɔɔŋ mamaŋ. Ma dimi aa:
“La solullɔ naa chonduŋ cho a Saayɔŋ okɔɔ woŋ i pilɛ.”
4 Vɛɛ naŋ soli yɛ chonduŋ Chɛhowa woŋ,O lɛŋnde isumialteŋ niŋ?
5 Oo Chulusalɛm, te I puɛɛnuŋ pɛ a num okɔɔ,Mɛɛ ba ni kɛndɔɔ cho lɛ wali le.*
6 Oo Chulusalɛm, maa diɔɔmuleŋ le baaliaŋ ya o sondo,Te I loonuŋ a num,Nduyɛ mi dɔɔnuŋ nyaale a num,Mbo hiou nyɛm cheleŋndoŋ te.
7 Oo Chɛhowa, loonuŋ a nyɛ Idɔmaitiiya dimi wo okɔɔ,Paale Chulusalɛm sɔla tambei leŋ. Ma dimi aa:
“La tɛɛmbuu ndu! La tɛɛmbuu ndu a chiiyuŋ ndɔŋ kpou!”
8 Oo Babilɔŋ, num cho hoo hunɔɔ suŋ tambei sɔla wo,Kɔl kɛndɔɔ cho le wana cho num maa miŋgul,Le nyɛpalaa ŋ tusi naa choo wo.
9 Kɔl kɛndɔɔ cho wa le wana cho chuauwaa numnda biyɔɔ,Mbo viɔl nda o poutaŋ choo wo.
