Sam 14:1-7
O wana sim lachi le chondei yo lo. Chondii Deeve ve.
14 Diɔmnda cho dimioo o kɔlta ndalaŋ niŋ aa:
“Chɛhowa cho le.”
Sɔɔŋ lakafaŋ nda tosa ni, nduyɛ ma luei balaŋ o kaala nɔɔlɛilaŋ niŋ.Wana o wana cho suɛi kɛndɛ tosa le.
2 Kɛ nduyɛ, Chɛhowa cho o choo choo niŋ mbo wa chuauwaa ŋwaŋnda chiee mɛɛndaŋndo,Le sinaa te wana pilɛ bɛɛ nɔ pɛ sinapɛŋgoo, ɔɔ mbo wa ndu Chɛhowa nuuviaa.
3 Nda kpou mulul ndu kɔɔ.Wanaa lakafaa nda cho ni.
Wana o wana cho suɛi kɛndɛ tosa le,Wana pilɛ bɛɛ.
4 Baa wanaa dɛnɛ wɔɔŋnda o pilɛ bɛɛ biiyɔ bila le?
A cho wanaa niaa nyɛpalaa tusioo choo, mɛɛ nda dia nuaa nyɛdiaa* yɛ.
A piɛi o Chɛhowa lo le.
5 Siooŋii bɛndu bɛnduei cho nda biyɔɔ,Kanifuule Chɛhowa cho a wanaa sakpuaa latulu.
6 Nya wanaa dɛnɛ wɔɔŋnda cho kindiŋndo le mi la laasiaa kɛɛsiaala wana bala fondoo.Kɛ Chɛhowa cho naa nduaa viaŋnaŋnda ni.
7 Maa pioŋɔɔ fula Saayɔŋ le Isɔluɛiya fɔ!
Te Chɛhowa miŋgi pɛ wanaa nduaa nda kuɛ o biyɔɔ niŋnda chuuŋgiaa naapilɛ,Maa Chekɔpu dɔɔnuŋ nyaale, mi Isɔluɛi wa a kɔl kɛndɛ.
Tɛɛsiaalaŋ
^ Hibuluiye, “beediiyo ɔɔ buloo.”