Sam 150:1-6
150 La saŋgala Chɛhowa!*
La saŋgala Mɛlɛka o fondaŋ ndɔ diandaa.
La saŋgala ndu o fondokpa* chɔm maa o nɔ kpaayaa wo niŋ.
2 La saŋgala ndu le walta ndɔla kpaayala bɛndulaŋ.
La saŋgala ndu, kanifuule o cho bɔɔ o bɛndu.
3 La hɔŋ buloo le ndu saŋgalaa.
La saŋgala ndu a nyɛm chaaŋ iyooŋ vɛlɛ a towaa.
4 La lɔɔ dundu pɔmbɔɔ, mi la ye le ndu saŋgalaa.
La lɔɔ nyɛm chaaŋ iyooŋ, mi la hɔŋ sɛŋndeŋ le ndu saŋgalaa.
5 La lɔɔ kumbula ŋchiliŋndaŋ le ndu saŋgalaa.
La saŋgala ndu choo choo kpeleŋ a kumbula ŋchiliŋndaŋ.
6 Nyɛ o nyɛ cho nyɛ yoomaa, maa o saŋgala Chɛhowa.
La saŋgala Chɛhowa!*
