Sam 17:1-15
Piɛile Deeve leŋ.
17 Oo Chɛhowa, I cho num nyɔɔloo le ma kilul la yamɛi o sandei choo.Yaŋ nilaŋ o chaŋ ya cho naa num chua le malaa wo.Yaŋ nilaŋ o piɛile ya cho naa num chua a kɔl nuu kpou leŋ.
2 Maa kiolu yamɛi o nɛi sakpoo choo le ya.Maa hɔlta numndaŋ la chɔ nyɛ cho sakpo wo.
3 Te a yaasiaa pɛ kɔl nuu ma mɛɛndaŋ ya a nyumndaŋ,Okoŋ ma dindi ya,A cho saalɔŋ maa I kɛɛsiaŋ isɔɔ o isɔɔ wɔɔŋ o kɔl te.Nduyɛ a cho saalɔŋ maa I binduŋ a nyɛ ya dimi wo le.
4 Kɛ le sɔɔŋ waŋnda chieeya tosa woŋ muŋ,A mɛɛ diom numndo dimi yɛ, mi fafaŋ nɛila wanaa dɛnɛ wɔɔŋnda.
5 Maa peluŋ nuŋ lo o nɛi numndo choo,Yɔŋii ya boŋ.
6 Oo Mɛlɛka, num ya piɛi ni, kanifuule I sina maa a cho piɛile nileŋ muli.
Yaŋ nilaŋ ma tuei nyɛ ya cho num dimullo wo.
7 Chɔm kaala lo lechoo numndo a sɔɔŋ kɔndɔfiliŋ ŋ tosa woŋ.Num cho wana piŋi wanaa viaŋnuŋ o ba num kɛndɔɔ bɛŋgu wa ni,Nduyɛ ma soli nda wanaa simul nda wa o ba bɛŋgu.
8 Manda ya maa hɔlte kulte numndeŋ.Vioŋ ya o wundule kumbaŋnda numndaŋ bɛŋgu.
9 Manda ya wana dɛnɛ wɔɔŋ chiŋalaŋ ya wo o ba,Nduyɛ ma soli ya yaamɔɔwaa niaa balu ya wa o ba.
10 Kɔlta ndalaŋ la yɔŋnuŋ tindiŋ,Nduyɛ sɔɔŋ yoŋgaŋ fula nda o lasondo ni.
11 A luei naa o piŋndo niŋ.A cho nɛilaŋ nuuviaa le ma tosa miŋ del wɔ.
12 O cho ko mɛɛ kpɔkuŋndo* wa nuaa ilako lakuei le mbo sɛɛsiaa visi o bii yo yɛ.O cho ko maa kpɔkuŋ fɔŋndɔ cho o viaŋnaŋ mbo wa mɛŋgɛlaa wo.
13 Oo Chɛhowa, chɔŋ ma chiŋalaŋ ndu nduyɛ ma tiu ndu ba.Piŋi ya wana dɛnɛ wɔɔŋndo o ba a muɛi num ii faŋnde.
14 Oo Chɛhowa, piŋi ya a ba numndo.Piŋi ya waŋnda o chieeŋndo hoo niŋ o ba, a nɔ yeemɛi o yoomoo hoo niŋnda,Wanaa ŋ ke haa nyɛm kɛndɔŋ tau,Nduyɛ ma mel puaa ndaa nyɛm ndaŋ kiɔɔŋ nda.
15 Kɛ ya ya, o sakpoyɛi choo ya cho hɔlaa numnda chɔ ni.Te I tendu pɛ mi sinaŋ maa a cho ya ikɛi, I cho wa a kɔl hiniaa.
Tɛɛsiaalaŋ
^ Ɔɔ “yalakana.”