Sam 23:1-6
Chondii Deeve ve.
23 Chɛhowa cho wana manda ya wo ni.
Nyɛ o nyɛ cho ya lepɛŋ te.
2 Mbo tosa mi hini o bil puiyaa tɛɛ tɛɛ wo choo.Mbo kuɛ a ya le pɛŋgioo o mɛŋndaŋ ikɛi.
3 Mbo luei ya yoomuaŋ,
Mbo kuɛ a ya o nɛila sakpolaŋ choo le sabu diola ndɔlaŋ.
4 O yɔŋ bɛɛ mi wa kɔlaŋ o kpoloŋ nyumma kpiŋgbioo niŋ,Siooŋii bii ya le,Kanifuule a cho a ya latulu.Mi sioŋnde numndeŋ a tinda numndo ke ya kɔl simulaa.*
5 A bɛɛndial la nyɛdiaa o tibiiyo* choo yaamɔɔwaa niaa lachi.
A sui ya chuɛiyaŋ o lebol,Nduyɛ ma pei taala nuu cha.
6 Kɛndɛi numnde a kaala lo lechoo numndo cho ya wa kɔɔli o palɛi ya cho wa yoomu ve niŋ kpou.Nduyɛ, I cho wa o chiɛi Chɛhowa wo niŋ a teleŋ ya cho wa yoomu wo kpou.