Sam 25:1-22
Chondii Deeve ve.
א [Alɛfi]
25 Oo Chɛhowa, o numndo ya muliŋ ni.
ב [Bɛti]
2 Mɛlɛka nuu, num ya tiindaŋ ni.Chɛl mi siɔmbulaŋ la bii ya le.
Chɛl mi yaamɔɔwaa niaa dɔɔnuŋ nyaale le dɛnɛ palaa cho ya choo wo le.
ג [Kimɛɛ]
3 A tonya, wana o wana laalaŋ pɛ o num niŋ, siɔmbula bii ndu le.Kɛ mi siɔmbulaŋ la bii wanaa hui waŋnda o fondo fuuwo choo wa.
ד [Dalɛti]
4 Oo Chɛhowa, mala ya mi sina nyɛ nɛŋi num kɔllo wo.Pɛɛku ya nɛila numndaŋ.
ה [Hee]
5 Tosa mi kuɛ o nɛi num tonyaa choo, nduyɛ ma pɛɛku ya.Kanifuule, num cho Mɛlɛka piŋi ya wo ni.
ו [Wau]
Num ya tiindaŋ le teleŋ o teleŋ ni.
ז [Sayiŋ]
6 Oo Chɛhowa, loonuŋ maa Mɛlɛka inyiɛɛyo ŋ cho ni.Nduyɛ le teleŋ o teleŋ, kaala lo lechoo wo ŋ chɔm ni.
ח [Hɛti]
7 Oo Chɛhowa, loonuŋ a hakila nilaŋ vɛlɛ a biondɔŋnda ya tosa o feleŋgɔyɛi nii niŋndaŋ te.
Loonuŋ a ya le sabu kaala lo lechoo numndo,Vɛlɛ a naŋɔɔ numndo.
ט [Tɛti]
8 Chɛhowa cho wana kɛndɛ nduyɛ o cho sakpo.
Le saboo hoo o pɛɛku wanaa lahakiaa nɛi nda nɔ ma kuɛ choo wo ni.
י [Yodi]
9 O cho wanaa tusiaŋnda mala le nyɛ cho sakpo wo tosaa,*Nduyɛ mbo pɛɛku nda nɛila ndɔlaŋ.
כ [Kafi]
10 Nɛila Chɛhowa laŋ kpou la chɔm kaala lo lechoo ndɔɔ,Le wanaa cho sawala ndɔlaŋ biyɔɔ vɛlɛ a loonɔŋnda ndɔlaŋ nda.
ל [Lamɛdi]
11 Oo Chɛhowa, mal la haki le sabu diola numndaŋ,Mi che bɛɛ hakila nilaŋ la cho tau.
מ [Mɛmi]
12 O nɛɛnɛ nɔ yɛ siooŋii Chɛhowa ve?
O cho ndu pɛɛku nyɛ o nɔ mbo tosa wo.
נ [Nuŋ]
13 O cho nyɛm kɛndɔŋ tueiyɔɔ yeela,Nduyɛ mi chuauwaa nduaa mamaa* wa achal o lɛŋndeŋ choo.
ס [Samɛki]
14 Wanaa nɔ siooŋii Chɛhowa ve wa, nda wa o chaŋyɛi kpɛɛluŋnde niŋ a ndu ni,Nduyɛ mbo chɔm nda buŋgaŋ o chua woŋ.
ע [Ayiŋ]
15 Le teleŋ o teleŋ, o Chɛhowa lo ya muliŋ ni le malaa,Kanifuule, o cho peluŋ nuŋ soli o yalaa niŋ.
פ [Pe]
16 Yandii mulul la hɔlla ma tuiinuŋ ya inyiɛɛ,Kanifuule yapilɛ kpe cho ni, I nɔ wana malaa le.
צ [Sadi]
17 Kɔl saŋgɛi nuu chɔɔlu handɔŋ lechoo.Yandii, soli ya o nyɛpalaa ya cho niŋndo niŋ.
ר [Luɛsi]
18 Chɔ nyɛkindilaa cho ya choo wo vɛlɛ a buulaŋnda nilaŋ,Nduyɛ ma mal la haki le yɔŋnda nila wɔɔŋndaŋ kpou.
19 Tofawɔ mɛɛ yaamɔɔwaa niaa cho faŋga bɛndoo yɛ,Vɛlɛ a mɛɛ nda tul la yɛleŋ tul bɛndoo yɛ.
ש [Shiŋ]
20 Manda yoomu nuu nduyɛ ma piŋi ya.
Chɛl mi siɔmbulaŋ la tol la le, kanifuule o numndo ya viaŋnuŋ ni.
ת [Tau]
21 Maa lo lechoo nuu a sakpoyɛi nii manda ya fɔ!Kanifuule num cho tiindaŋ nuu ni.
22 Oo Mɛlɛka, soli Isɔluɛi o kɔl saŋgɛi o cho niŋndo.
