Sam 3:1-8
Chondii Deeve soli teleŋ o wa Abisalɔŋ po ndɔ nyaanɔŋndo wo.
3 Oo Chɛhowa, vɛ mi yaamɔɔwaa niaa kui nuaa tau tau?
Vɛ mi wanaa bɔɔbɔɔ wa ya chiŋalaŋndo?
2 Wanaa bɔɔbɔɔ cho dimioo a ya okɔɔ aa:
“Mɛlɛka cho ndu piŋi le.” (Sila)*
3 Kɛ num Chɛhowa, num cho boo chɔu manda ya wo ni.A tosa mi sɔla bɛɛleŋ, nduyɛ ma ke ya kɔl simulaa.
4 I cho Chɛhowa veelu choo choo kpeleŋ,O cho lo o pembii nduɛi diandɛi choo mbo muli ya diom. (Sila)
5 I cho ihini mi lɔlnuŋ kpooŋ,Mi tendu nyɛ o nyɛ yɔŋnuŋ ya le.Kanifuule, Chɛhowa cho hiouwɔɔ lachi a ya malaa.
6 Wanaa cho ya a balaa waalaŋ o waalaŋ niŋ le ya chiŋalaŋndo wa,Siooŋii cho ya le nda le.
7 Oo Chɛhowa, chɔŋ ma piŋi ya! Oo Mɛlɛka nuu!
A cho yaamɔɔwaa niaa kpou kpaŋndoŋ lɔɔ,Nduyɛ ma yimi wanaa dɛnɛ wɔɔŋnda chiŋndoŋ.
8 Num Chɛhowa, num piŋi waŋnda ni,
Nduyɛ sala numndo cho wanaa numnda choo. (Sila)
Tɛɛsiaalaŋ
^ Tofa Tɛɛsiaa.
