Sam 48:1-14
Chondei. Nyɛchaa puaa Kolua wa.
48 Chɛhowa cho o bɛndu, nduyɛ o nɔ di le mbo sɔla saŋgalaaO chiee ndɔ bɛndoo niŋ, o pembii nduɛi diandɛi choo.
2 Pembii Saayɔŋ nde cho landaŋ ba luaŋ ndo,Chiee bɛndu Masa Bɛndoo.Helɔɔ ndɔɔ naŋ nua, nduyɛ nyaaloo cho o lɛŋndeŋ choo kpou.
3 O kpakila ndɔla kala kalalaŋ niŋ,Mi Mɛlɛka chɔm maa ndu cho naa viaŋnaŋaa kala kalaa ni.
4 Nuawɔ! Masaa chuuŋgiaŋ naapilɛ.A sɔɔŋguu le ma chiŋalaŋ chioo a sɔŋgɔɔ.
5 Mɛɛ nda che ndu, mi kɔndɔfillo bii nda.
Ma yɔŋnuŋ yolomaŋ yolomaŋ a siooŋnde, nduyɛ ma nyaanuŋ.
6 Mi siooŋii bɛnduei bii nda loŋ,Ma yɔŋnuŋ mɛɛ wana lanɔɔ wa nuaa o nyɛ nɛiyaa niŋ te o wa pɛ violɔɔ yɛ.
7 Ma tɛɛmbuu dɛndɛla mamɛŋndaŋ Taasi a hueiyii fula ba paaleŋ le chaŋ ndo ve.
8 Nyɛ naŋ tuei a ndu okɔɔ wo, naapila che ndu a lahɔl pɛɛŋ,O chiee bɛndu Chɛhowa, Mɛlɛka puaa chɔuwa niŋ, chiee bɛndu Mɛlɛka naa.
Mɛlɛka cho ndu simi yi le fɛɛŋ a fɛɛŋ.
9 Oo Mɛlɛka, te ŋ wa pɛ o chiɛi numndo niŋ,Miŋ yiyaŋ o kaala lo lechoo numndo choo.
10 Oo Mɛlɛka, saŋgala numndo fuuluu o lɛŋndeŋ mɛɛlulaŋ di,Maa diola numndaŋ.
Ba num kɛndɔɔ cho o piaa cha a sakpoyɛi.
11 Maa Pembei Saayɔŋ dɔɔnuŋ nyaale.Maa chieeŋ bɛndoŋ* Chuda dɔɔnuŋ nyaale le yamaŋ ŋ kialu woŋ.
12 La kɔ a Saayɔŋ balɔɔ. La balu ndu kpou.La chɔm chiɛila ndɔla choo choo laŋ.
13 La handu kɔllo o kpakila ndɔlaŋ choo nyɛkɛndɛi.
La mɛɛndaŋ chiɛila choo choola ndɔla kala kalalaŋ,Le halikpeŋ mi la huŋ dimul wanaa cho hunɔɔ o chilaŋ niŋnda a ndu okɔɔ.
14 Kanifuule Mɛlɛkaa hoo, Mɛlɛka naa o cho ni le fɛɛŋ a fɛɛŋ.
O cho naa nɛiyo chɔm le fɛɛŋ a fɛɛŋ.*