Sam 54:1-7
-
Piɛileŋ le malaa te I wa pɛ yaamɔɔwa tɛɛŋ
-
“Mɛlɛka cho wana ni malaa ni” (4)
-
O wana sim lachi le chondei yo lo. Le ndi solioo a nyɛm chaaŋ iyooŋ. Masiki.* Chondii Deeve soli teleŋ Sifaitiiya kuɛ naa Sɔɔ chua ma dimul ndu aa: “Deeve cho o viaŋnaŋ naa tɛɛŋ” ndo.
54 Oo Mɛlɛka, piŋi ya a diola numndaŋ,Ma manda ya a kpaaya numndo.
2 Oo Mɛlɛka, tuei piɛile nileŋ.Yaŋ nilaŋ o diomnda cho ya fulaa o sondo laŋ,
3 Kanifuule yaamɔɔwa simul la,Mi puaa kɔl vesɛiya yeema le ya diyɔɔ.
A nɔ lebɛɛ kposoŋ le Mɛlɛka le.* (Sila)
4 A tonya, Mɛlɛka cho wana ni malaa ni.Chɛhowa cho a wanaa cho ya tooloo wa latulu.
5 O cho yaamɔɔwaa niaa maa miŋgul le sɔɔŋ wɔɔŋ nda cho ya tosallo woŋ.Oo Mɛlɛka nuu, tosa ma sɔla tambei le mɛɛ ŋ cho sakpo yɛ.
6 Oo Chɛhowa, I cho num salaa solul a kɔl nuu kpou,
Mi saŋgala diola numndaŋ, kanifuule la cho la kɛndɛ.
7 Le mɛɛ ŋ piŋi ya o kpundɛ kɛ kɛ niŋ yɛ,I cho yaamɔɔwaa niaa chɔ o delioo.
