Sam 57:1-11
O wana sim lachi le chondei yo lo. A “Tɛɛmbuu Ya Le” okɔɔ. Chondii Deeve ve. Mikitam.* Teleŋ o nyaanuŋ Sɔɔ mbo kɔ vioŋnuŋ o buuloo niŋndo.
57 Oo Mɛlɛka, tuiinuŋ ya inyiɛɛ. A yandii, tuiinuŋ ya inyiɛɛ.Num cho naa niaa viaŋnaŋnda ni.Nduyɛ, o kumbaŋnda numndaŋ bɛŋgu ya viaŋnuŋ ni haaa mi kpundɔɔ hiou.
2 I veelu Mɛlɛka Hiou Kpou Wo,Mɛlɛka tonyaa, o tɛɛmbuu yaamɔɔwaa niaa wo.
3 O cho malaa yɔŋ fulaa o choo choo niŋ, mbo piŋi ya.
O cho tuula wana cho ya kiltaŋ kɔɔli le ya biyɔɔ wo laasiaa. (Sila)
Mɛlɛka cho ya kaala lo lechoo ndɔɔ vɛlɛ a sakpoyɛi nduɛi chɔm.
4 Kpɔkuŋnda* balu ya silɔ.I cho ihini wanaa yeema le ya diyɔɔ wa tɛɛŋ.Chiŋndoŋ nda naŋ chaa baltaŋ a chiŋuaŋ ni,Nduyɛ diɔɔmuii ndɛi luɛi naŋ chaa muɛi faŋnde ni.
5 Oo Mɛlɛka, sɔla saŋgalaa o choo choo niŋ.Maa naŋɔɔ numndo tiu o lɛŋndeŋ choo kpou.
6 A hendul la yalaa le mi peluŋ nuŋ hau leniŋ.I baŋ wulaŋ a kɔl saŋgaa ya cho niŋndo.
A tou sooŋndo ya lachi,Kɛ mi ndapila del leniŋ. (Sila)
7 Oo Mɛlɛka, I laalaŋ num a kɔl nuu kpou.I laalaŋ num a kɔl nuu kpou.
I cho nyɛchaa lɔɔ nduyɛ mi soli chondei.
8 Oo naŋɔɔ nuu, tiondu.
Oo nyɛ chaa iyoo, tiondu. Num towaa bɛɛ, tiondu.
I cho chɔnɔŋ idii puŋ.
9 Oo Chɛhowa, I cho num saŋgala waŋnda tɛɛŋ,Nduyɛ mi solul num chondoŋ* kaalaŋ tɛɛŋ.
10 Kanifuule, kaala lo lechoo numndo cho bɔɔ. O cho filioŋ mɛɛ choo choo cho nuaa yɛ.Nduyɛ sakpoyɛi numnde fuuluu o yumbu yumboo niŋ di.
11 Oo Mɛlɛka, sɔla saŋgalaa o choo choo niŋ.Maa naŋɔɔ numndo tiu o lɛŋndeŋ choo kpou.
