Sam 60:1-12
O wana sim lachi le chondei yo lo. A “Pɔmbima Loonaŋ Ndaŋ” okɔɔ. Mikitam.* Chondii Deeve ve. Le pɛɛkoo. Teleŋ o sɔŋga a Aluam-nahaluem nda Aluam-Sobaa, nduyɛ mi Chowaabi miiŋgu mbo kɔ dii Idɔmaitiiya 12,000 o Kpoloŋ Ihɛllo wo.
60 Oo Mɛlɛka, a kɛɛ naa. A tosa mi kɔltaŋ la laasiaŋ naa, nduyɛ mi puaa naa chɔuwa saŋnuŋ ba o ba fee.
Ma duaunuŋ tumbe o kala kala a naa, kɛ a yandii miŋgi naa inyiɛɛ tuiinɔŋ!
2 Ma tosa mi lɛŋndeŋ le hiiluŋ, ma tɛɛndiaa leŋ.
Miŋgi sooŋnda ndɔlaŋ kiindiaa, kanifuule le chal le delɔɔ.
3 Ma tosa mi wanaa numnda saŋga tau tau.
Ma tosa miŋ kol muɛiyaŋ okoŋ miŋ yɔŋnuŋ taŋgaŋ taŋgaŋ.
4 A chɔm wanaa nɔ siooŋii numnde wa tamasioo,Le ma hɛluŋ chiɔulaŋ. (Sila)
5 Chiindiaa naa a ba num kɛndɔɔ nduyɛ ma mulul naa,Le halikpeŋ mi wanaa ŋ kaala wa sɔla baŋaa.
6 Mɛlɛka soo o diondɔɔyɛi nduɛi niŋ,* mbo dimi aa:
“I cho wa a nyaale le mi mal Siɛkɛm waŋnda o ba maa nyɛm kɛŋ nda.Nduyɛ I cho Kpoloŋndo* Sukɔti tuu a yooleŋ.
7 Le ya Kiliaadi cho ni, mɛɛ Manaasɛ cho le ya yɛ.Nduyɛ Ifiluem cho mɔsil manda bolle nileŋ ndo ni.Chuda cho tinda ni lemasaa ni.
8 Mowaabi cho nyɛi laandii ya puluŋ nde ni.
I cho Idɔm kɔwɛila* nilaŋ wuu choo,
Nduyɛ mi deŋi Filitiaa choo le mɛɛ ya cho ndu yomɔɔ yɛ.”
9 O nɛɛnɛ cho yɛ lakɔ a ya o chiee cho o kpaki kala kalaa niŋndo?
O nɛɛnɛ cho yɛ ya liila haaa Idɔm?
10 Baa o cho num Mɛlɛka kɛɛ naa wo le?Baa o cho num Mɛlɛka kue lɛ a naa latulu o chɔuwo le teleŋ vilɛiyo le?
11 Mala naa o sɔɔŋ palaŋ cho naa komallo woŋ niŋ,Kanifuule wana tiindaŋ wanachioo le mbo piŋi num te.
12 Mɛlɛka cho naa yoomuaŋ luei,Mbo niɔu niɔu yaamɔɔwaa naa.
Tɛɛsiaalaŋ
^ Tofa Tɛɛsiaa.
^ Ɔɔ naapum, “fondaŋ ndɔ diandaa.”
^ Ɔɔ “Lɛŋnde Dɛŋgbɛleŋ.”
^ Ɔɔ “samtala.”
