Sam 62:1-12
O wana sim lachi le chondei yo lo. A mɛɛ Chɛdutɔŋ* chomul lɛ. Chondii Deeve ve.
62 I cho mei doŋ mi biuŋ Mɛlɛka chumndo.
Ndu cho wana ni piŋiaa ni.
2 A tonya, ndu cho pou kpoowa nuu a wana ni piŋiaa ni, fondaŋ kala kala ya viaŋnuŋ ndo.Fɛɛŋ bɛɛ I hiiluŋ te.
3 Le vɛɛ kpɛ nya cho yɛ hiouwɔɔ lachi a waŋndo delɔɔ choo le ndu diyɔɔ?
Nya kpou, la cho ko maa kpaki nda taŋgul a poutaŋ, mbo wa yeŋge yeŋge le delɔɔ wo.
4 A suukaŋ le ndu faŋaa o foofo ndɔ filioŋndo.*A hɛnaŋ bɔɔ choolaŋ dimioo.
Ma dɔu salaa a lasondo, kɛ o kɔlta ndalaŋ niŋ, sendioo nda duau ni. (Sila)
5 O kpeekpei niŋ, I cho mei doŋ mi biuŋ Mɛlɛka chumndo,Kanifuule ndu cho tiindaŋ nuu ni.
6 A tonya, ndu cho pou kpoowa nuu a wana ni piŋiaa ni, fondaŋ kala kala ya viaŋnuŋ ndo.Fɛɛŋ bɛɛ I hiiluŋ te.
7 Mɛlɛka ya tiindaŋ ni le ya piŋioo a le ya tɔɔ solioo.
Mɛlɛka cho pou kpoowa ni kala kalaa, a naa niaa viaŋnaŋnda ni.
8 Nya waŋnda chieeya, la dɔu tiindaŋndo o Mɛlɛka niŋ le teleŋ o teleŋ.
La kumbi kɔlta nyalaŋ ndu lachi.
Kanifuule, ndu cho fondaŋ naa viaŋnaŋndo ni. (Sila)
9 Chuauwaa ŋwaŋnda chiee cho ko maa ihuei,Nyɛ fondoo fuu nda cho ni.
Te a dɔu nda pɛ naapilɛ ma handu nda o sekeleiyo choo, hueiye bɛɛ hiou nda lusul.
10 Tiindaŋ delɔɔ choo wo,Ɔɔ viileŋ le ma sul te.
Te a sul pɛ tau tau, kɛsi kɔllo o ndu choo le.
11 Mɛɛ Mɛlɛka soo le pilɛ, mi tuɛi ndi bɛmbɔɔ le diiŋ maa:
Mɛlɛka o ba kpaaya koŋ fula ni.
12 Oo Chɛhowa, o numndo kaala lo lechoo wo fula ni.Kanifuule ma paawa* wana o wana mɛɛ kelala ndɔlaŋ la cho yɛ.
