Sam 71:1-24
71 Oo Chɛhowa, o numndo ya viaŋnuŋ ni.
Maa fɛɛŋ bɛɛ siɔmbula tual la le.
2 Piŋi ya le mɛɛ ŋ cho wana sakpo yɛ.
Yaŋ ya nilaŋ yekeŋ,* okoŋ ma piŋi ya.
3 Simnuŋ pou kala kalaa le ya,Naa ya viaŋnuŋ teleŋ o teleŋ nda.
Dimi le ma piŋi ya,Kanifuule num cho pou kpoowa nuu, a fondaŋ kala kala ya viaŋnuŋ ndo ni.
4 Oo Mɛlɛka nuu, piŋi ya wana dɛnɛ wɔɔŋndo o ba.Poonda ya wana cho ya nyɛkindilaa handɔɔ choo o fondo fuuwo choo wo o ba.
5 Oo Chɛhowa, Mɛlɛka Kpuluŋguma Bɛndoo, num cho tiindaŋ nuu ni.Chɔŋ o feleŋgɔyɛi nii niŋ ya dɔu tiindaŋndo o num niŋ ni.
6 Chɔŋ a teleŋ nda velu ya wo ya tiindaŋ o num niŋ ni.Num soli ya kala nuu o dembe ni.
Lelaŋ, I cho num saŋgala teleŋ o teleŋ.
7 Te wanaa bɔɔbɔɔ che ya pɛ, kɔndɔfillo bii nda.Kɛ I sina maa num cho fondaŋ ni viaŋnaŋ kala kalaa ni.
8 Le teleŋ o teleŋ sondo nuu cho wa num saŋgalaa,Nduyɛ mi soo a naŋɔɔ numndo okɔɔ.
9 Mal la o yuuwɛi nii niŋ te.Nduyɛ kɛɛ ya te yoomuaŋ ma chuu ya pɛ le.
10 Yaamɔɔwaa niaa cho sɔɔŋ wɔɔŋndoŋ dimioo a ya okɔɔ.Nduyɛ, wanaa cho ya nuuviaa le ya diyɔɔ wa chuuŋgiaŋ naapilɛ ma yii ya dumbu.*
11 A cho dimioo aa: “Mɛlɛka faŋaŋ ndu kɔɔli.
La tisa ndu kɔɔli mi la bii ndu, kanifuule wana o wana cho le ndu piŋi le.”
12 Oo Mɛlɛka, kua ya levil te.
Oo Mɛlɛka nuu, mala ya chɔ chɔ.
13 Maa siɔmbulaŋ la bii wanaa simul la wa,Nduyɛ ma sɔla tambei.
Maa siɔmbulaŋ la bii wanaa cho ya nuuviaa le ya nyɛpalaa tusioo choo wa,Nduyɛ ma tambu labɛɛ.
14 Kɛ le ya ndu, I cho hiouwɔɔ lachi a num chumndo.I cho num chɔɔlu saŋgala.
15 Sondo nuu cho isɔɔ a sakpoyɛi numnde okɔɔ.Le teleŋ o teleŋ I cho wa suɛi a walta numnda piŋiaa laŋ okɔɔ,Mi che bɛɛ I chii laŋ chɔm te.
16 Oo Chɛhowa, Mɛlɛka Kpuluŋguma Bɛndoo,I cho hunɔɔ mi soo a kpaaya num bɛndoo okɔɔ,Nduyɛ a sakpoyɛi numnde okɔɔ kinɛi ya cho wa suɛi ni.
17 Oo Mɛlɛka, o feleŋgɔyɛi nii niŋ di ŋ pɛɛku ya ni.Nduyɛ haaa huŋ bii a hau, I cho suɛi a walta numnda kɔndɔfiltaŋ okɔɔ.
18 Oo Mɛlɛka, o yɔŋ bɛɛ mi yuuwa nduyɛ mi yuluŋnde fula ya, mal la le.
A yandii chɛl la mi dimul yuŋgula cho hunɔɔ o chilaŋ niŋndaŋ a kpaaya numndo okɔɔ,Mi dimul wanaa cho hunɔɔ wa kpou a kpaaya num bɛndoo okɔɔ.
19 Oo Mɛlɛka, sakpoyɛi numnde fuuluu o choo choo niŋ di.A tosa sɔɔŋ kɔndɔfilloŋ tau.Oo Mɛlɛka, o nɛɛnɛ cho yɛ maa num?
20 Mi che bɛɛ ma tosa mi sɔɔŋ palaŋ bɔɔbɔɔ komal la,Kɛ a yandii miŋgi ya vɛlɛ yoomuaŋ ke.Soli ya o sooŋ yiŋgilɛiyo* niŋ.
21 Maa tosa mi chɔɔlu bɛɛleŋ sɔla,Ma manda ya, nduyɛ ma dɛɛniaa ya kɔllo.
22 Oo Mɛlɛka, keŋ cho tosa mi saŋgala num a nyɛm chaaŋ iyooŋ,Kanifuule a cho sakpo.
Oo Wana Diandaa o Isɔluɛi niŋ,I cho num saŋgala o chondoŋ niŋ* a towaa.
23 I cho deŋi choo choo a nyaaloo te I wa num pɛ saŋgalaa o chondoŋ niŋ,Kanifuule a piŋi yoomu nuu.
24 Le teleŋ o teleŋ, diɔɔmule nileŋ le cho wa suɛi* a sakpoyɛi numnde okɔɔ.Kanifuule wanaa cho ya nuuviaa le ya diyɔɔ wa, siɔmbulaŋ la cho nda biyɔɔ, ma tambu labɛɛ.
Tɛɛsiaalaŋ
^ Ɔɔ “Tunduŋ ma yaŋ ya nilaŋ.”
^ Ɔɔ “defoo.”
^ Ɔɔ “lumnde.”
^ Ɔɔ “nyɛchaa loolul.”
^ Ɔɔ “yiyaŋndo.”
