Sam 95:1-11
95 La huŋ miŋ soliŋ chonduŋ kɔl kɛndɔŋ le Chɛhowa!
La ŋ deŋiŋ choo choo kpeleŋ le Pou Kpoowa piŋi naa wo.
2 La huŋ miŋ simnuŋ ndu lachi,* miŋ mel ndu balikaa.Ŋ soliŋ chondei le ndu, le mɛɛ o yem chɔuwo yɛ.
3 Kanifuule Chɛhowa cho Mɛlɛka bɛndoo ni,Masa bɛndu hiou mɛlɛkaa cheleŋnda kpou wo.
4 Fondaŋnda yiŋgilɛilaŋ o lɛŋndeŋ choo kpou, ndu o ba la cho ni.Pembuŋ vilɛiyoŋ kpou, ndu nɔ muŋ ni.
5 Ndu nɔ pee mɛŋma ihɛl o toosiaa wo ni,Nduyɛ bala ndɔlaŋ la toosiaa lɛŋnde vesɛileŋ ni.
6 La huŋ miŋ tunduŋ ndu lachi le ndu piɛiyo.La ŋ beŋnuŋ Chɛhowa, Wana Toosiaa naa wo wulaŋ.
7 Kanifuule ndu cho Mɛlɛka naa ni.Nduyɛ naŋ cho wanaa o cho mandaa wa ni,Saa o nɔ hɔlteŋ choo wa.*
O bɛnda bɔɔ mi la yaŋ ndu nilaŋ paale hauleŋ ndeŋ. O dimi aa:
8 La kindi kɔlta nyalaŋ mɛɛ nya tosa Mɛluiba,*Vɛlɛ a mɛɛ i yɔŋnuŋ Maasa* o pollo niŋ,
9 Mɛɛ finyaa nyaa mamaa tɔɔndaŋ ya yɛ le.Ma simul la, mi che bɛɛ ma cha walta nilaŋ.
10 Mi tul waŋnda haa leyɛ le wɔsilaŋ 40. Mi dimi aa:
“Teleŋ o teleŋ nyɛ kɔlta ndalaŋ la nyindu nda le tosaa wo nda tosa ni,Nduyɛ a kɛɛ le sawala nilaŋ diikɔŋndo.”
11 Lelaŋ mi mɛnaŋ po o kɔl ni tuuwo niŋ aa:
“A cho luɛiyɔɔ o pɛŋgi nuu niŋ te.”
Tɛɛsiaalaŋ
^ Hibuluiye, “o hɔl.”
^ Hibuluiye, “Saa cho ndu o ba bɛŋgu wa.”
^ O sim, “Sɛɛŋgiaŋndo.”
^ O sim, “Tɔɔndaŋndo.”