Sam 97:1-12
97 Chɛhowa simnuŋ Masaa!
Maa lɛŋndeŋ le wa a kɔl kɛndɛ.
Maa lɛŋii mɛŋndaŋ ma balu ve kpou dɔɔnuŋ nyaale.
2 Nyumma kpiŋgbima bɛnduaŋ ma cho ndu ma balaa silɔ.O sakpoyɛi a o sandei choo kpeŋgei* ndɔ lemasaa chal ni.
3 Yiŋndeŋ le cho ndu kɔlaŋ lachi,Mi le wa yaamɔɔwaa nduaa balu ndu wa lumi lumioo.
4 Paŋgele ndɔ leyiŋndo tosa mi nyɛ teŋgaa wa o lɛŋndeŋ choo.Nduyɛ mɛɛ lɛŋndeŋ le che hei, mi le nyiiya.
5 Pembuŋ bɛndoŋ teŋga Chɛhowa lachi maa waa malɛ.Ŋ teŋga Masaa le chieeŋndo kpou lachi.
6 Choo choo cho sakpoyɛi nduɛi yondaa,Nduyɛ mi waŋnda kpou wa naŋɔɔ ndɔɔ chɔɔ.
7 Maa siɔmbulaŋ la bii wanaa sooluu piɔmnda wa kpou,Wanaa kialu haa yoŋgaa o mɛlɛkaa ndaa fonduaa niŋnda.
Nya mɛlɛkaa kpou, la beŋ ndu wulaŋ.*
8 Waŋnda Saayɔŋ tuei ma duaunuŋ nyaale.Oo Chɛhowa, chiooŋ* Chuda cho a kɔl kɛndɛLe yamaŋ ŋ kialu woŋ.
9 Kanifuule num Chɛhowa, o lɛŋndeŋ choo kpou, num cho Mɛlɛka Hiou Kpou Wo ni.A cho o bɛndu ma hiau mɛlɛkaa cheleŋnda kpou.
10 Nya wanaa kaala Chɛhowa wa, la tul o wɔɔŋndo leyɛ.
O cho yoomula wanaa chɔm ndu lo lechoo wo wa manda,Nduyɛ mbo piŋi nda wana dɛnɛ wɔɔŋndo o ba.
11 Nyɛ wawoŋndo dendu wanaa cho sakpo wa choo,Nduyɛ mi wanaa cho sakpo o kɔltaŋ niŋnda duaunuŋ nyaale.
12 La dɔunuŋ nyaale o Chɛhowa niŋ nya wanaa cho sakpo wa,Nduyɛ mi la mel ndu balikaa le* diola ndɔla diandaa laŋ.
Tɛɛsiaalaŋ
^ Ɔɔ “kpɛŋɛ.”
^ Ɔɔ “la piɛi ndu.”
^ Hibuluiye, “chuaa laanduaa.”
^ Hibuluiye, “loonuŋ a.”