NYUNA 7
Yɛɛ Baabuiyo dimi yɛ a teleŋ naa okɔɔ?
“Masaa a masaa a sɔŋga niŋ, mi lɛŋndeŋ a lɛŋndeŋ ma sɔŋga . . . Sɔɔŋ muŋ kpou ŋ va niŋ mavaa nyɛ palaa kandɔŋndo, mɛɛ pulii vialɛi i kandu wana yollo nɛiyo sɛnɛi yɛ.”
“Wanaa lachoovaa a huŋ niŋ ma dimi maa Mɛlɛka vem nda ni. A cho hunɔɔ wanaa faŋga faŋga hui ma faŋa nda o nɛi tonyaa choo. Dɛnɛ wɔɔŋndo o va niŋ bɔɔ. Le hei, mi kaala waŋnda nɔ le Mɛlɛka wo o tol tooloo.”
“Te la tuei pɛ, a chɔulaŋ okɔɔ nya ikɛi, nduyɛ, mi la tuei a chɔulaŋ okɔɔ landaŋ a nya, la buulaŋ te. Sɔɔŋ muŋ ŋ nɔ mi ŋ yɔŋnuŋ. Kɛ muŋ ŋ yɔŋnuŋ bɛɛ, koŋ chɔm machɔmaa maa mɛɛlula chieeŋndo le la fuuluu wɔ laŋ te.”
“Lɛŋndeŋ le nyiiya niŋ tau o fondaŋnda faŋga faŋga. Yiaaŋ ma del niŋ, nduyɛ mi naala taŋ waŋnda laŋ la kuii o fondaŋnda faŋga faŋga. Sɔɔŋ ŋ siooŋndoŋ, ŋ cho yɔŋnɔŋ mi kpalola bɛndaŋ la yɔŋnuŋ o halaa niŋ.”
“Kɛsiŋ o kɔl maa te palɛi mɛɛlɛi le chieeŋndo hoo fuuluu pɛ, nyɛpalaa o wa niŋ bɔɔ. Kanifuule a boondii keŋ, waŋnda chieeya a nɔ niŋ yiyaŋ le chaaŋaa ndaa waŋnda chieeya le, mɛɛ le ndapila. Wanaa kaalaa ŋkaniaa nda va niŋ ni, wanaa heelaŋnda, wanaa yoŋgaa, wanaa yiou chaaŋaa ndaa va, a ve niŋ wanaa tuei wanaa velu nda wa diom te, a ve niŋ wanaa sinaa ikɛndɛ le, a ve niŋ wanaa ke Mɛlɛka lebɛɛ le. A nɔ niŋ inyɛɛ le, nduyɛ a mel wana le yɔŋ wɔɔŋ te. Wanaa balu a chaaŋnda o sondo va nda wa niŋ ni, wanaa kaŋgalaa, wanaa kɔl vesɛiya. Nyɛ o nyɛ cho nyɛkɛndɛ ma tul ndu leyɛ. Wanaa leyalaa nda va niŋ ni. Nyɛ huŋ nda o lakɔllo ko nda tosa ni. A va niŋ wanaa hɔlaa heelaa bɛndu. Kɔl kɛndɛ chieeŋndo nda kaala niŋ ni, a kaala niŋ Mɛlɛka le. Ma chɔm ndapila maa wanaa piɛiyaa Mɛlɛka, kɛ, mi kaala nda tosalaŋ la chɔm maa nyɛ fondoo fuu piɛile ndaleŋ le cho ni.”
