NYUNA 2
Vɛɛ ŋ pɛɛku yɛ a Mɛlɛka okɔɔ?
“Mal diomndaŋ veeloo o yau nɔ hoo sawala Mɛlɛkalaŋ leniŋndo le. Wa diomndaŋ veeloo leniŋ idii a ichɔl le ma sina sawala cho leniŋ ndaŋ nduyɛ ma tosa nyɛ la dimi wo. Te a tosa lende pɛ, a sɔla niŋ taasioo nduyɛ, mi nyɛ o nyɛ wa o kɛndɛ a num.”
Chɔɔsuaa 1:8, NW
“A wa hiouwɔɔ lachi a diomndaŋ veeloo choo choo o yauwo hoo niŋ, yau Mɛlɛka tonyaa ke nda Sawalaŋndo. Ma tɛɛsiaalaŋ nduyɛ mi wana o wana sinalaŋ walaŋ. O hei niŋ, ma mala waŋnda ma bii diomnda nda wa veeloolaŋ bila.”
Nɛhimaya 8:8, NW
“Wana tul sila wana dɛnɛ wɔɔŋndo kɔɔli le wo, ndu wa a nyaaloo ni. Kanifuule, yeemɛi nduɛi cho le sawala Chɛhowalaŋ pɛɛkoo. Idii a ichɔl, o cho diomndaŋ veeloo o yau ndɔ lasawaa niŋ le sinaa nyɛ la dimi wo. . . . Nyɛ o nyɛ o tosa pɛ, ba tiuwaa o sɔla ni.”
Chondei 1:1-3, NW
“Mi Filipi nyaaŋnuŋ mbo sɔɔŋguu o nyɛ nyaanaŋndo ikɛi. Mbo tuɛi poo hoo cho nyɛ wana suaa le Mɛlɛka wo Aisaiya poonyiaa wo tofaa o yauwo niŋ mbo tombola ndu. Mi Filipi nyuna ndu aa vɛɛ, “A cho pa nyɛ ŋ cho koŋ tofaa wo pɛŋgu sina?” Mbo muli aa, “Mi vɛɛnɛ ya I sina yɛ ndu pɛŋgu? I nɔ wana tɛɛsial la le.””
“Chɔŋ a boondii Mɛlɛka tosiaa chieeŋndo ve waŋnda sina pɛŋgu walaŋ maa kpaaya Mɛlɛkaa nyɛ cho le fɛɛŋ a fɛɛŋ ndo o cho ni. Nduyɛ a sina walaŋ maa Mɛlɛka le kɛndɛi o cho ni. Lelaŋ mi che bɛɛ sɔɔŋ cho muŋ a Mɛlɛka okɔɔ woŋ ŋ cho sɔɔŋ wana che le ni, kɛ nduyɛ waŋnda nɔla ma sina a muŋ okɔɔ walaŋ. Kani fondole, nyɛm o tosa woŋ, muŋ tosa mi waŋnda sina suɛi hei pɛŋgu. Lelaŋ, mɛɛ o mɛɛ cho mi wana chioo kɔɔsa mbo fula leniŋ te.”
“Yiyaŋ o sɔɔŋ muŋ choo, ma pɛɛku muŋ tosaa, le mi wanŋnda kpou che mɛɛ ŋ cho hiouwɔɔ lachioo tosaa yɛ.”
“Laŋ nuuviaŋ nɛila naŋ nɔla miŋ kpeeŋiaa chaaŋaa naa vellaa velle le waŋnda kaalaa a sɔɔŋ kɛndɔŋ tosaa laŋ. La ŋ malnuŋ chuuŋgiaŋndo diom pilɛ le.”
“Te wana o wana va nya tɛɛŋ pɛ mbo nɔ taasi le, mɛɛ wana koŋ nyuna Mɛlɛka diom le mbo ke ndu taasioo. Wana ikɛndɔɔ Mɛlɛka cho naa wana o wana cha ni. O ke wana nyɛ a ŋɔɔchiaŋ te. Wana o wana nyuna ndu le taasioo pɛ, kioo o ke ndu ni.”
