NYUNA 18
Vɛɛ ŋ sɔɔŋguu yɛ Mɛlɛka ikɛi kpɛɛluŋ?
“Num cho wana muli piɛileŋndo ni. Waŋnda o chieeŋndo niŋ kpou a cho hunɔɔ naa num cha ma huŋ piɛi num.”
Chondei 65:2, NW
“Dɔu tiindaŋ numndo kpou o Chɛhowa niŋ. Tiindaŋ sina numndo le. O nyɛ o nyɛ ŋ wa tosaa niŋ, puɛɛnuŋ a Chɛhowa le. O nɔla mbo tosa mi nyɛ o nyɛ wa o kɛndɛ a num.”
Talelaŋ 3:5, 6, NW
“Yoomu kpeekpeiyo hoo ndu cho yɛ ni, waŋndo sinaa maa num pilɛ kpe cho Mɛlɛka ni, nduyɛ, mbo sina vɛlɛ Chiisu Kiliti, wana ŋ vem ndo.”
“Mɛlɛka cho levil a wana o wana le.”
“I cho Mɛlɛka piɛiyo maa kaala cho o kɔlta nyalaŋ niŋ ndo mbo hiou lachi kɛ kɛ. Mɛɛ o hei niŋ, mi la chɔɔlu dɛnɛ sinaa kpeekpeiyo sɔla a kɔl kalu kpeekpeiyo.”
“Te wana o wana va nya tɛɛŋ pɛ mbo nɔ taasi le, mɛɛ wana koŋ o nyuna Mɛlɛka diom le mbo ke ndu taasioo. Wana ikɛndɔɔ Mɛlɛka cho naa wana o wana cha ni. O ke wana nyɛ a ŋɔɔchiaŋ te. Wana o wana nyuna ndu le taasioo pɛ, kioo o ke ndu ni.”
“La sɔɔŋguu Mɛlɛka ikɛi. Ndu bɛɛ o cho nya sɔɔŋguu ikɛi. Nya wanaa yɔŋ wɔɔŋnda haa, la soli balaŋ o sɔɔŋ wɔɔŋndoŋ tosaa niŋ. Nya wanaa mulu muluaŋnda, la dindi kɔlta nyalaŋ, mi yiyaŋnda wɔɔŋndaŋ la fula nya o lakɔl po.”
“Mɛlɛka kaalaa cho hoo ni, nyɛ o dimul naa wo tosaa. Nduyɛ nyɛ o dimul naa le tosaa wo o cho nyɛ kendu maa mi ŋ bumba ndu tosa le.”
