Mɛlɛka Piɛiyo
Nɛɛnɛ kinɛi naŋ nɔ yɛ miŋ piɛi?
Tamaseliilaŋ o Baabuiyo niŋ la mala naa laŋ:
Mat 4:8-10—Mi Setana ke Chiisu masɛi kpou o chieeŋndo hoo choo le halikpeŋ mbo piɛi ndu. Kɛ mi Chiisu kɛɛ, kanifuule Chɛhowa kinɛi ndoo nɔ ni mbo piɛi
Sɔɔ 19:9, 10—Mi maalikɛinɔ kpaaya bɛndoo kɛɛ maa kiilanɔɔ Chɔŋ piɛi ndu le
Vɛɛ Chɛhowa yeema yɛ miŋ piɛi ndu?
Tamaseliilaŋ o Baabuiyo niŋ la mala naa laŋ:
Ai 1:10-17—Chɛhowa chɛl kposoŋ mi wanaa kɛɛ sawala ndɔlaŋ biyɔɔ wa piɛi ndu le. Kanifuule wanaa mulu muluaŋnda nda cho ni
Mat 15:1-11—Mi Chiisu dimi maa Chɛhowa chɛl wanaa chɔm o lahɔl maa a cho ndu piɛiyo wa le. Kanifuule wanaa waa nuaa, waŋnda chieeya nda hiau bɛɛleŋ ke a Mɛlɛka
A nɛɛ waa naŋ nɔ yɛ miŋ piɛi Chɛhowa latulu te ŋ tiuba pɛ?
Tofa vɛlɛ Sam 133:1-3
Tamaseliilaŋ o Baabuiyo niŋ la mala naa laŋ:
Wal 2:40-42—O wɔsiŋ kɛmɛ tasoŋ niŋ, mi Kilisiɔŋnda ndaa chuuŋgiaŋ diompilɛ le Chɛhowa piɛiyo, le teleŋndo chuaa latulu, a le sɔɔŋ nyina diandaa ndoo chɔm nda woŋ pɛɛkoo
1Kɔ 14:26-40—Mi kiilanɔɔ Pɔɔl dimi maa bɔŋaŋnda leKilisiɔŋndaŋ la nɔ mi la wa la kɔɔnaa kpɛ kpɛ, nduyɛ mi la tiuba le waŋnda kɔltaŋ dɛɛniaa, le halikpeŋ mi wana o wana bii nyɛ nda cho wa pɛɛkoo wo bila
Yɛɛ naŋ nɔ yɛ miŋ tosa le mi Chɛhowa chɛl piɛile naaleŋ?
Tamaseliilaŋ o Baabuiyo niŋ la mala naa laŋ:
Hib 11:6—Mi kiilanɔɔ Pɔɔl dimi maa ŋ nɔ miŋ nɔ laalaŋ kala kalaa te ŋ yeema pɛ mi Chɛhowa chɛl piɛile naaleŋ
Che 2:14-17, 24-26—Mi Chemisi, pɔmbɔɔ Chiisu dimi maa ŋ nɔ miŋ tosa nyɛ le chɔmndo maa ŋ nɔ laalaŋndo. Laalaŋ naa nɔ mbo nyindu naa le nyɛ tosa