Nyɛpalaa
Le yɛɛ Kilisiɔŋnda nɔ yɛ ma wa nyɛpalaa kɔl?
Le yɛɛ naŋ nɔ yɛ miŋ piɛi o Chɛhowa lo te a tusi naa pɛ nyɛpalaa choo?
Sam 55:22; 2Kɔ 12:9, 10; 2Ti 4:16-18; Hib 13:6
-
Tamaseliilaŋ o Baabuiyo niŋ la mala mala naa laŋ:
-
1Ma 19:1-18—Mɛɛ nda wa Ilaacha, wana ndoo suaa le Mɛlɛka wo nyɛpalaa tusioo choo, mbo piɛi o Chɛhowa lo le kɔl dɛɛniaa
-
Wal 7:9-15—Mi Choosɛ bɛndaa nduaa tusi ndu nyɛpalaa choo. Kɛ Chɛhowa feŋaŋ ndu kɔɔli le. Mbo chiindiaa ndu, nduyɛ mbo soliŋ ndu kpeku le yuŋgu ndɔɔ chiindiaa
-
Ɔɔ sɔɔŋ ŋpum ŋ nda tosa le naa nyɛpalaa tusioo choo woŋ?
Ma dimul naa sɔɔŋ wɔɔŋndoŋ
2Ko 36:16; Mat 5:11; Wal 19:9; 1Pi 4:4
-
Tamaseliilaŋ o Baabuiyo niŋ la mala mala naa laŋ:
-
2Ma 18:17-35—Mi wana wa bolle sovɛiya Asiiliaa wo yei Chɛhowa, a wanaa nduaa Chulusalɛm
-
Lu 22:63-65; 23:35-37—Mi wanaa wa Chiisu nyɛpalaa tusioo choo wa mam ndu a teleŋ nda bii ndu wo, vɛlɛ a teleŋ o wa o yɔm imɔnɔɔ choo wo
-
Mi wanayaŋ naŋ tusi naa nyɛpalaa choo
Ma bii naa okoŋ ma hiŋ a naa waŋ bɛnduaa o hɔl
Ma lɔɔ naa
Ma soliŋ puaa dɛnɛ wɔɔŋnda kpeku
Ma dii naa
Yɛɛ Kilisiɔŋnda nɔ yɛ ma tosa te a tusi nda pɛ nyɛpalaa choo?
Mat 5:44; Wal 16:25; 1Kɔ 4:12, 13; 1Pi 2:23
-
Tamaseliilaŋ o Baabuiyo niŋ la mala naa laŋ:
-
Wal 7:57–8:1—Mi che bɛɛ Stiiviŋ wa niŋ kpɛɛluŋ le piɔmndo sɔlaa mɛɛ nda wa ndu vii viiyo a poutaŋ, kɛ mbo piɛi o Chɛhowa lo le mbo mal nda haki. Nduyɛ Sɔɔl fula Taasɔɔ wo wa waŋnda haa tɛɛŋ
-
Wal 16:22-34—Mi che bɛɛ ma luaa Pɔɔl nduyɛ ma duau ndu o chiɛi manyumndo niŋ, kɛ mbo tosal wana wa chiɛi manyumndo mandaa wo kɛndɛi. Mi keŋ tosa mi ndu a yuŋgu ndɔɔ kpou simnuŋ wanaa laalaŋnda
-
Yɛɛ ndoo yɔŋnuŋ yɛ Kilisiɔŋnda apum o wɔsiŋ kɛmɛ tasoŋ niŋ?
Vɛɛ naŋ nɔ yɛ miŋ che nyɛpalaa nda tusi naa choo wo?
Vɛɛ tiindaŋ naŋ nɔ le chilaŋ ndo luei yɛ naa yoomuaŋ te a wa naa pɛ nyɛpalaa tusioo choo?
Le yɛɛ ŋ chɛl kposoŋ le mi nyɛpalaa luei naa siooŋnde, ɔɔ miŋ mal Chɛhowa piɛiyo le? Nduyɛ le yɛɛ siɔmbula bii naa le te a tusi naa pɛ nyɛpalaa choo?
Sam 56:1-4; Wal 4:18-20; 2Ti 1:8, 12
-
Tamaseliilaŋ o Baabuiyo niŋ la mala naa laŋ:
-
2Ko 32:1-22—Mɛɛ Masaa Sɛnachɛluibi kɔŋgɔlaŋ waŋnda Chuda, mi Masaa Hɛsikaya tiindaŋ Chɛhowa, okoŋ mbo luei waŋnda yoomuaŋ tau. Lelaŋ mi Chɛhowa fanda ndu
-
Hib 12:1-3—Mi wanaa wa Chiisu nyɛpalaa tusioo choo wa tusi ndu siɔmbulaŋ tau. Kɛ siɔmbula bii Chiisu kposoŋ te, nduyɛ o chɛl mi keŋ tɛɛmbuu ndu kɔl te
-
Fulamakɔɔli kɛndɛ kuɛɛ naŋ sɔla yɛ te a tusi naa pɛ nyɛpalaa choo?
Te ŋ biunuŋ pɛ o nyɛpalaa bɛŋgu, miŋ nɛŋi Chɛhowa kɔl, nduyɛ mi keŋ chuu diola ndɔlaŋ saŋgalaa
-
Tamaseliilaŋ o Baabuiyo niŋ la mala naa laŋ:
-
Choobu 1:6-22; 2:1-10—Choobu ndoo sina nuaa maa Setana le wa ndu nyɛpalaa tusioo choo le. A koŋ kpou, mbo hiau lachi a Chɛhowa saŋgalaa, nduyɛ mbo chɔm maa wana lachoowaa Setana cho ni
-
Daa 1:6, 7; 3:8-30—Mi Siɛdula, Mɛsiaki, a Abɛniko chɛl le ma sɔla piɔmndo mbo hiau Chɛhowa kiɔɔ diikɔŋndo. O mɛɛlulaŋ kpɔŋ, mi Masaa Nɛbukanɛɛsa saŋgala Chɛhowa
-
Mi nyɛpalaa nda tusi naa choo wo ke naa fondaa le seileŋ timbioo
-
Tamaseliilaŋ o Baabuiyo niŋ la mala mala naa laŋ:
-
Wal 11:19-21—Mɛɛ nyɛpalaa tosa mi Kilisiɔŋaa bɔɔbɔɔ saŋnuŋ, ma tiu yooŋgu kɛndɔɔ o fondaŋnda ndaa kuɛ laŋ kpou
-
Flp 1:12, 13—Mi dɔwɔɔ ndaa dɔu kiilanɔɔ Pɔɔl o chiɛi manyumndo niŋndo tosa mi wanaa bɔɔbɔɔ tuɛi yooŋgu kɛndɔɔ, nduyɛ mi hei tosa mi Pɔɔl naŋ kɔl tau
-
Te ŋ biunuŋ pɛ o nyɛpalaa bɛŋgu, mi keŋ luei puaapiliaa yoomuaŋ tau
Te a wa naa pɛ nyɛpalaa tusioo choo, vɛɛ simlachiaa lekaŋnda a masaa waa toolu yɛ keŋ?
Chɛlui 26:11; Mak 3:6; Chŋ 11:47, 48, 53; Wal 25:1-3
-
Tamaseliilaŋ o Baabuiyo niŋ la mala naa laŋ:
-
Wal 19:24-29—Mi wanaa ndaa toosiaa fondaŋnda lasooluulaŋ le mɛlɛka Atɛmii wa cha maa yooŋgu kɛndɔɔ wa nda kuunaa kaniei sɔlaa o wali ndaa niŋ. Lelaŋ, ma tusi Kilisiɔŋnda nyɛpalaa choo
-
Kal 1:13, 14—Tuupa mi Pɔɔl o ndaa veelu vɛlɛ a Sɔɔl lo simnuŋ Kilisiɔŋnɔɔ, mi ndoo tusi Kilisiɔŋnda nyɛpalaa choo tau
-
Nɛɛ cho yɛ puunduleŋ le nyɛpalaa nda tusi buɛiyaa Chɛhowaa choo wo?