Nyiɛɛye
Yɛɛ cho yɛ nyiɛɛye?
-
Tamaseliilaŋ o Babauiyo niŋ la mala naa laŋ:
-
Sam 51:1, 2—Mɛɛ Masaa Deeve nyɔɔlu Chɛhowa le mbo tuiinuŋ ndu inyiɛɛ, dimioo o wa koŋ ni maa Chɛhowa mal ndu haki le hakila ndɔlaŋ okoŋ mbo dindi ndu vɛlɛ
-
Lu 10:29-37—Mi Chiisu chɔm tamaseliiyo mɛɛ Sameeliaŋnɔɔ tosal Chuunɔɔ kɛndɛi yɛ, le naa pɛɛkoo a mɛɛ naŋ chɔm nyiɛɛye yɛ okɔɔ
-
Le yɛɛ waŋnda chieeya kpou yeema yɛ ma tuiinuŋ nda inyiɛɛ?
Sam 130:3; Iki 7:20; 1Chŋ 1:8
Tofa vɛlɛ 1Ma 8:46-50
Tamasi yɛɛ Chɛhowa kɛsi yɛ a nyiɛɛye chɔmndo okɔɔ?
Ɛs 34:6; Nɛh 9:17; Sam 103:8; 2Kɔ 1:3
-
Tamaseliilaŋ o Babauiyo niŋ la mala naa laŋ:
-
Choobu 42:1, 2, 6-10; Che 5:11—Mi Chɛhowa tuiinuŋ Choobu inyiɛɛ, okoŋ mbo dimul ndu le mbo tuiinuŋ acheleŋnda inyiɛɛ
-
Lu 15:11-32—Mi Chiisu chɔm tamaseliiyo a mɛɛ finyaa tuiinuŋ po ndɔ bolle kala wookuŋ ndo inyiɛɛ yɛ, le chɔmndo mɛɛ Chɛhowa cho wana inyiɛɛ yɛ
-
Le yɛɛ Chɛhowa chɔm yɛ naa nyiɛɛye?
Tofa vɛlɛ Tai 3:4, 5
Vɛɛ sala soliaŋ Chiisu wo tosa yɛ mi Chɛhowa mal naa haki?
Le yɛɛ naŋ nɔ yɛ miŋ nyuna Chɛhowa le mbo tuiinuŋ naa inyiɛɛ? Nduyɛ le yɛɛ naŋ nɔ yɛ miŋ nɔ balika melaa le hei?
-
Tamaseliilaŋ o Babauiyo niŋ la mala naa laŋ:
-
Sam 51:1-4—Mɛɛ Masaa Deeve tambu kɔllo tei le haki ndoo tosa wo, mbo tusiŋ okoŋ mbo nyɔɔlu Chɛhowa le mbo tuiinuŋ ndu inyiɛɛ
-
Lu 18:9-14—Mi Chiisu yɔŋgu tamaseliiyo le chɔmndo maa mi Chɛhowa tuiinuŋ wanaa tusiŋ, nduyɛ ma chɔm maa a tosa yɔŋ wɔɔŋndo wa inyiɛɛ
-
Le yɛɛ wanaa tosa hakila wɔɔŋ wɔɔŋndaŋ nda bɛɛ nɔ yɛ tiindaŋndo maa mi Chɛhowa tuiinuŋ nda inyiɛɛ?
Di 4:29-31; Ai 55:7
-
Tamaseliilaŋ o Babauiyo niŋ la mala naa laŋ:
-
2Ko 33:9-13, 15—Mi che bɛɛ mi Masaa Manaasɛ tosa hakila wɔɔŋ wɔɔŋndaŋ, kɛ mɛɛ o nyɔɔlu Chɛhowa le mbo tuiinuŋ ndu inyiɛɛ nduyɛ mbo wookuŋ, mi Chɛhowa mal ndu haki, mbo miŋgi ndu o masaleŋ choo. Nduyɛ mi Manase hiau lachi a chɔmndo o sɔɔŋ ndoo tosa woŋ niŋ maa o mulul yɔŋnda ndɔla wɔɔŋndaŋ kɔɔ
-
Chona 3:4-10—Mi che bɛɛ wanaa lasɔŋguaa a wanaa diyaa waŋnda Ninivɛɛ wa ni, kɛ mɛɛ nda wookuŋ, mi Chɛhowa tuiinuŋ nda inyiɛɛ
-
Le yɛɛ o bɛnda yɛ mi waŋndo chɔɔmuu yɔŋ ndɔ wɔɔŋndo nduyɛ mbo singa kaala ndɔlaŋ?
O yɔŋ bɛɛ mi Chɛhowɛi tuiinuŋ naa inyiɛɛ, miŋ sɔla fulamakɔɔlila wɔɔŋndaŋ le hakila naalaŋ
Le yɛɛ naŋ nɔ yɛ miŋ wa wanaa inyiɛɛ?
Te ŋ kɛɛ pɛ le acheleŋnda nyiɛɛye tuiinɔŋndo, vɛɛ keŋ paaliaŋ yɛ chaŋyɛi nɛi a Chɛhowa?
Tofa vɛlɛ Pulɔ 21:13
-
Tamaseliilaŋ o Babauiyo niŋ la mala naa laŋ:
-
Mat 18:23-35—Mi Chiisu yɔŋgu tamaseliiyo le chɔmndo maa te wana o wana kɛɛ pɛ le chaaŋ ndɔ nyiɛɛye tuiinɔŋndo, Chɛhowa bɛɛ cho ndu inyiɛɛ tuiinɔŋ kposoŋ te
-
Lu 10:29-37—Tamaseliiyo hoo chɔm maa mi Chɛhowa nda Chiisu tambu kɔllo a wanaa kɛɛ le waŋnda nyiɛɛye tuiinɔŋndo wa, kɛ ma naŋ kɔllo tau a wanaa tuiinuŋ acheleŋnda inyiɛɛ maa Sameeliaŋnɔɔ wa
-
Vɛɛ Chɛhowa bii yɛ wanaa tuiinuŋ acheleŋnda inyiɛɛ ya?
Naapum a Yeema Dɔɔ Vɛlɛ
A NAA OKƆƆ
Nyuna le Pɛɛku Baabuiyo
La suukaŋ a nyunaa okɔɔ fulaa o Baabuiyo niŋ, ɔɔ chɔɔlu pɛɛku a Seiyaa Chɛhowaa okɔɔ.
