Wallo
Chiɛɛliaŋ yɛɛ cho yɛ wallo tɛɛŋ a nyaaloo?
Iki 2:24; 3:13, 22; Ai 65:22
Tɔnɔla kuɛɛ naŋ sɔla yɛ te ŋ pɛɛku pɛ waltaŋ lapum nduyɛ miŋ chaa laŋ tosaa nyɛkɛndɛi?
-
Tamaseliilaŋ o Baabuiyo niŋ la mala naa laŋ:
-
1Sa 16:16-23—Waŋnda ndaa sina Deeve tau le mɛɛ ndoo chaa chondoŋ solioo yɛ. Nduyɛ mi ndoo soliŋ ke ndɔ koŋ kpeku le masa pilɛ o Isɔluɛi niŋ kɔllo dɛɛniaa te ndoo tambu kɔl pɛ
-
2Ko 2:13, 14—Le mɛɛ Huluam ndoo chaa nyɔɔŋ tuuliaa a laba tau yɛ, mi Masaa Sɔlɔmɔŋ soliŋ ndu kpeku le chiɛi Mɛlɛkaa taŋgullo
-
Vɛɛ waŋnda nɔ yɛ ma sina buɛiyaa Chɛhowaa te o hiŋ pɛ a wallo okɔɔ?
-
Tamaseliilaŋ o Baabuiyo niŋ la mala naa laŋ:
-
Chɛ 24:10-21—Mi Lubeka tosal buɛi Ebilaham ndo wallo mbo hiau mɛɛ ndoo yiyaŋ yɛ. Mi keŋ chɔm kɛsɛ maa wana wali kala kalaa o wa ni
-
Flp 2:19-23—Mi kiilanɔɔ Pɔɔl chɔɔlu Timoti kalaŋnda ke le mɛɛ ndoo tusiŋ, nduyɛ mbo yɔŋguŋ le wallo tosaa yɛ
-
Le yɛɛ buɛiyaa Mɛlɛkaa nɔ ma wa wanaa isiɛlɛi le?
Pulɔ 13:4; 18:9; 21:25, 26; Iki 10:18
-
Tamaseliilaŋ o Baabuiyo niŋ la mala naa laŋ:
-
Pulɔ 6:6-11—Mi Masaa Sɔlɔmɔŋ soliŋ tamasi sisiŋnda kpeku le chɔmndo maa ŋ nɔ miŋ fafaŋ siɛlɛiye, okoŋ miŋ tosa wallo kalaŋ
-
Le yɛɛ naŋ nɔ yɛ miŋ tosa wallo kalaŋ le bahawɛila naalaŋ solioo?
Le yɛɛ naŋ nɔ yɛ miŋ tosa wallo kalaŋ le yuŋgula naalaŋ malaa?
-
Tamaseliilaŋ o Baabuiyo niŋ la mala naa laŋ:
-
Lutu 1:16, 17; 2:2, 3, 6, 7, 17, 18—Mi Lutu tosa wallo kalaŋ le Nawomi kalalɛi ndɔ malaa
-
Mat 15:4-9—Mi Chiisu pɛɛsa wanaa ndaa yɔŋgu kafɛilaŋ le wanaa velu nda wa kiɔɔ malaa wa
-
Yɛɛ Kilisiɔŋnɔɔ nɔ yɛ mbo tosa te o sɔla pɛ batiuwaa o wali ndɔɔ niŋ?
Yiyaŋ kpeŋkpeŋ kuɛɛ naŋ nɔ yɛ miŋ nɔ a paawa naŋ sɔla wo te ŋ wa pɛ wallo tosaa le waŋndo?
Vɛɛ naŋ looku yɛ sina maa Chɛhowa yeema mbo mala naa o wali naŋ tosa wo niŋ, nduyɛ mbo ke naa nyɛm naŋ hauba woŋ?
Mat 6:25, 30-32; Lu 11:2, 3; 2Kɔ 9:10
-
Tamaseliilaŋ o Baabuiyo niŋ la mala naa laŋ:
-
Chɛ 31:3-13—Mi Lebaŋ bii Chekɔpu lefu ndɔ biyɔɔ wɔɔŋndo mɛɛ o wa wallo tosaa le ndu, kɛ mi Chɛhowa duau Chekɔpu sala tau
-
Chɛ 39:1-6, 20-23—Mi Chɛhowa duau wali Choosɛ ndoo tosa wo sala a teleŋ o wa chiɔɔ Pɔtifa o ba wo, vɛlɛ a teleŋ o wa o chiɛi manyumndo niŋndo
-
Le yɛɛ naŋ nɔ yɛ miŋ chua wali naŋ tosa wo o sɔvɛ mbo hiou sɔɔŋ ŋMɛlɛkayaŋ te?
Sam 39:5-7; Mat 6:33; Chŋ 6:27
-
Tamaseliilaŋ o Baabuiyo niŋ la mala naa laŋ:
-
Lu 12:15-21—Mi Chiisu yɔŋgu tamaseliiyo le chɔmndo maa i cho suɛi taasi kposoŋ le nyɛm kiɔɔŋ chuaa ŋ sɔvɛ mbo hiou sɔɔŋ ŋMɛlɛkayaŋ te
-
1Ti 6:17-19—Mi kiilanɔɔ Pɔɔl sila Kilisiɔŋaa ndaa sul tau wa maa o bɛnda ma heeluŋ kposoŋ te. Kɛ mbo dɛɛniaa nda “le ma tosa nyɛ cho o kɛndɔɔ wo”
-
Sawala mandaala Baabui kuɛɛ mala yɛ naa te ŋ wa pɛ wallo nuuviaa?
-
Ɛs 20:4; Wal 15:29; Ɛfi 4:28; Sɔɔ 21:8—Baa wallo hoo cho pa tosa mi luei balaŋ o sɔɔŋ Mɛlɛka tul leyɛ woŋ niŋ?
-
Ɛs 21:22-24; Ai 2:4; 1Kɔ 6:9, 10; 2Kɔ 7:1—Baa wallo hoo toolu pa sɔɔŋ Mɛlɛka kɛɛ woŋ, nduyɛ baa kiisaŋ ve waŋnda a ya okɔɔ le?
-
Luo 13:1-7; Tai 3:1, 2—Baa wallo hoo cho pa tosa mi tɛɛmbuu sawala lelɛŋndaŋ?
-
2Kɔl 6:14-16; Sɔɔ 18:2, 4—Baa wallo hoo cho pa tosa mi luei balaŋ o piɛile lachoowaleŋ niŋ?
Wallo tosaa le Chɛhowa
Wali kuɛɛ hiou yɛ wa o sɔvɛ le Kilisiɔŋnda?
Le yɛɛ naŋ yɔŋguŋ yɛ le tosaa tau o wali Chɛhowaa niŋ?
Lu 13:24; Luo 12:11; 1Kɔ 15:58; Hib 6:10-12
Tofa vɛlɛ 1Ti 3:1
Le yɛɛ naŋ dimi yɛ maa o cho wana o wana le tiuba mbo tosa nyɛpilɔɔ kpe o Chɛhowa piɛiyo niŋ te?
-
Tamaseliilaŋ o Baabuiyo niŋ la mala naa laŋ:
-
Mat 25:14, 15—Tamasi Chiisu yɔŋgu wo chɔm maa o ve buɛiyaa nduaa kpou kɔl le ma tosa nyɛpilɔɔ kpe le
-
Lu 21:2-4—Mi Chiisu chandu wɛɛŋ ndoo vii pɔnɔɔ wo tau mi che bɛɛ kanioŋ ŋmuuŋ kinɛi ndoo yɔŋgu tooloo ni
-
Nɛɛ luei yɛ naa yoomuaŋ le wali Chɛhowa ke naa wo tosaa?
2Kɔ 4:7; Ɛfi 3:20, 21; Flp 4:13
-
Tamaseliilaŋ o Baabuiyo niŋ la mala naa laŋ:
-
2Ti 4:17—Mi kiilanɔɔ Pɔɔl dimi maa mi ndoo sɔla kpaayaa le wallo tosaa a teleŋ ndoo yeema ndu wo
-
Le yɛɛ wallo tosaa kalaŋ o Chɛhowa piɛiyo niŋ chuu yɛ naa nyaaloo tau?
Tofa vɛlɛ Mat 25:23