Tamasellilaŋ o Baabuiyo niŋ la mala naa la:

• Iki 12:​1-8—Mi Masaa Sɔlɔmɔŋ soliŋ talelaŋ kpeku le chɔmndo sɔɔŋ yɔŋnuŋ o yuuwɛi niŋndoŋ. Le tamaseliiyo, mɛɛ o wa suɛi a chɔ lepɛŋndo okɔɔ, mbo dimi aa, ‘Hɔltaŋ mi la yɔŋnuŋ num yifidii.’ Nduyɛ mɛɛ o wa suɛi a tuɛiyɔɔ lepɛŋndo okɔɔ mbo dimi aa, ‘nyɛchaa bɛɛ a wa ndu bɛɛ num lɔɔ ikɛi, a tuii ndu le.’

 Tamaseliilaŋ o Baabuiyo niŋ la mala naa laŋ:

• 1Sa 12:​2, 23—Mi che bɛɛ Saamiɛɛ, wana ndoo suaa le Mɛlɛka wo wa niŋ o yuwɛi, kɛ mbo sina maa i cho bɔɔ suɛi sɔvɛ le piɛileŋ o Chɛhowa lo le waŋnda

• 2Sa 19:​31-39—Mi Masaa Deeve naŋ kɔllo tau le mala Baasilai ndoo yɔŋgu wo. Kɛ a teleŋ pilɛ, mi Baasilai kɛɛ le nyɛ ndoo tiuba le tosaa le wo le mɛɛ o wa niŋ o yuwɛi yɛ

• Sam 71:​9, 18—Mi Masaa Deeve yɔŋ siooŋnde maa te o yuuwa pɛ, Chɛhowa soliŋ niŋ ndu kpeku le. Lelaŋ, mbo nyɔɔlu Chɛhowa le mbo kɛsi ndu yoomu le halikpeŋ mbo pɛɛku chuauwaa nduaa mamaa a ndu okɔɔ

• Lu 2:​36-38—Mi Chɛhowa duau Ana sala, wana lanɔ ndoo suaa le ndu wo le mɛɛ o lo ndu piɛiyo haaa o yuuwɛi nduɛi niŋ yɛ

Tamasellilaŋ o Baabuiyo niŋ la mala naa laŋ:

• Chɛ 12:​1-4—Mi che bɛɛ Ebilaham wa niŋ wɔsilaŋ 75, kɛ mi Chɛhowa ke ndu wali kala kalaa le tosaa

• Daa 10:​11, 19; 12:13—Mi Chɛhowa yɔŋ maalikɛinɔɔ le Daaniɛɛ wa niŋ o wɔsila 90 niŋndo dimullo maa Chɛhowa che ndu wana sɔvɛ, nduyɛ maa o cho ndu fanda

• Lu 1:​5-13—Mi Chɛhowa duau Sɛkɛlaya nda Elisabɛɛ sala o yuuwɛi ndɛi niŋ, ma vialu poo diolaŋ aa Chɔŋ

• Lu 2:​25-35—Mi Chɛhowa duau Simiɔŋ sala o yuwɛi nduɛi niŋ, mbo cha wana simnuŋ Mɛsayanɔɔ wo. Nduyɛ mbo dimi huuluei a ndu okɔɔ

• Wal 7:​23, 30-36—Wɔsilaŋ 80 Muuse, wana ndoo suaa le Mɛlɛka wo wa ni mi Chɛhowa siiŋguu ndu simlachinɔɔ le wanaa nduaa

Tamasellilaŋ o Baabuiyo niŋ la mala naa laŋ:

• Chɛ 45:​9-11; 47:12—Mi Choosɛ yooŋgu le finya ndɔ wa niŋ o yuwɛiyo, okoŋ mbo lo ndu mandaa haaa mbo sɔla piɔmndo

• Luo 1:​14-17; 2:​2, 17, 18, 23—Mi Lutu luei Nawomi wa niŋ o yuwɛiyo yoomuaŋ sanaa a sɔɔŋ ndoo dimi, nduyɛ mbo tosal ndu woŋ

• Chŋ 19:​26, 27—Mɛɛ Chiisu wa o yɔm imɔnɔɔ choo, mbo dimul Chɔŋ le mbo koma mandal ndu kala ndɔ