Pɛɛku a Bundɔŋ Cho o Baabuiyo Niŋndoŋ Okɔɔ
Yauwo hoo cho num mala ma pɛɛku a nyɛm Mɛlɛka toosiaa woŋ okɔɔ chɔŋ o kandɔŋndo, violɔŋ Chiisu wo, wali ndɔ dimiaa yooŋgu kɛndɔɔ, kɔ bii a hunɔɔ Masale Mɛlɛkaleŋ okɔɔ.
Yau Dialii Kuumbaŋ Choo Ve Poonyiaa Wo
Vɛɛ ŋ nɔ yɛ ma soliŋ yauwo hoo kpeku?
SUƐI LEBOLII 1
Mɛlɛka Toosiaa Choo Choo a Lɛŋndeŋ
Baabuiyo dimi maa Mɛlɛka toosiaa choo choo a lɛŋndeŋ ni. Le yɛɛ Mɛlɛka ndoo toosiaa yɛ fɛŋ maalikɛinɔɔ opilɛ tuupa mbo toosiaa wana o wana a nyɛ a nyɛ cheleŋ?
SUƐI LEBOLII 2
Mɛlɛka Toosiaa Wana Pɔnɔɔ a Wana Lanɔ Tasoo
Mɛlɛka toosiaa wana pɔnɔɔ a wana lanɔ tasoo, nduyɛ mbo wou nda o kpeloo Idɛŋ. Ndoo yeema nda ma velu chuauwa, okoŋ ma siiŋguu chieeŋndo kpou kpele hɛnɛkiɔɔ.
SUƐI LEBOLII 3
Adam nda Ifi Tui Mɛlɛka Diom Te
Le yɛɛnɛ yɔm pum o kpeloo niŋ Idɛŋ wa yɛ teŋgeŋ? Le yɛɛnɛ Ifi ndoo de yɛ komɔɔ yɔm koŋ?
SUƐI LEBOLII 4
Kɔl Tuuwo Cho Suɛi Kpundɛ Bɛndu
Mi Mɛlɛka chɛl sala Ebɛl soli wo, kɛ mbo kɛɛ sala Keŋ ndo. Mɛɛ Keŋ sina hei, mbo tuulu kɔl tau nduyɛ mbo tosa suɛi wɔɔŋ wɔɔŋnde.
SUƐI LEBOLII 5
Dɛndɛ Nuuwa Wo
Mɛɛ maalikɛiyaa dɛnɛ wɔɔŋnda chua waŋ laanduaa o chieeŋndo choo o nɔlaŋ niŋ, ma vialu chuauwa nduyɛ kpaayaa pila ndaa nɔ ni. Mi dɛnɛ wɔɔŋndo tiu ba o ba fee. Kɛ Nuuwa waŋnuŋ teŋgeŋ. Ndoo kaala Mɛlɛka, nduyɛ mbo tuɛi ndu diom.
SUƐI LEBOLII 6
Wanaa Ŋɔmaa Sɔla Chindaa Ma Luɛi o Chieeŋ Sɛnɛiyo Niŋ
Le palɛi 40 a nyumndaŋ 40 piɔɔ wa siaa. Ndoo hiou wɔsioo opilɛ, Nuuwa nda yuŋgu ndɔɔ wa o dɛndɔɔ niŋ. O mɛɛlulaŋ kpɔŋ, ma fula o dɛndɔɔ niŋ.
SUƐI LEBOLII 7
Chiɛi Bɛndu Bɛndoo Babɛɛl
Mi waŋnda apum kɛɛsiaa le ma taŋgul chiee bɛndoo, nduyɛ ma taŋgul chiɛi bɛndu bɛndoo mbo fuuluu choo choo di. Le yɛɛ Mɛlɛka tosa yɛ ma kandu sɔɔŋ maŋgalaŋ yɛ yiɔɔŋ dimioo?
SUƐI LEBOLII 8
Mi Ebilaham nda Sela Tuɛi Mɛlɛka Diom
Le yɛɛ Ebilaham nda Sela mɛi yɛ chiɛi ndaa o chiee bɛndoo niŋ Ɔɔ, ma kua o lɛŋnde Kenaŋndeŋ niŋ?
SUƐI LEBOLII 9
Ma Vialu Poo o Mɛɛlulaŋ!
Vɛɛ Mɛlɛka wa yɛ buŋgɛi ndoo chuel Ebilaham nde peelu? O puaa Ebilaham nda tɛɛŋ, o nɛɛ niŋ o buŋgɛi hei wa yɛ peelɔŋ, baa Aase ɔɔ Isimɛɛl?
SUƐI LEBOLII 10
La Loonuŋ Nyɛ Yɔŋnuŋ a Lanɔɔ Lɔtu Wo
Mi Mɛlɛka tosa mi yiŋnde bɛndeŋ le fula choo choo, mi le huŋ lom Sodɔm a Komoolua. Le yɛɛ chiooŋ muŋ sɔla yɛ tambei? Le yɛɛ naŋ nɔ yɛ miŋ loonuŋ nyɛ yɔŋnuŋ a lanɔɔ Lɔtu wo?
SUƐI LEBOLII 11
Baa Ebilaham Ndoo Nɔ Pa Laalaŋ Kala Kalaa?
Mi Mɛlɛka dimul Ebilaham aa: ‘Yandii chua po num pilɔɔ hoo, ma kɔ soli ndu salaa o pembei choo o lɛŋnde Muluaa leŋ niŋ.’ Le Ebilaham nda Aase, tofaa kpeekpei wa hoo ni te ndaa nɔ pɛ laalaŋ kala kalaa?
SUƐI LEBOLII 12
Mi Chekɔpu Sɔla Nyɛm Kiɔɔŋ
Aase nda Lubeka ndaa nɔ puaa a ŋiɔɔŋ, diolaŋ aa Iisɔ nda Chekɔpu. Nduyɛ pɛnduaa nda wa ni. Le mɛɛ Iisɔ wa po tasoo yɛ, ndoo nɔ dioo le nyɛm kɛŋ teŋgeŋ ndoŋ sɔlaa. Le yɛɛnɛ o pisi yɛ di koŋ o nyɛdiaa bɛŋgu?
SUƐI LEBOLII 13
Chekɔpu nda Iisɔ Miiŋgu o Kɔl Nyulu Niŋ
Vɛɛ Chekɔpu looku yɛ salaa sɔla maalikɛinɔɔ o ba? Vɛɛ o looku yɛ miiŋgu o kɔl nyulu niŋ nda Iisɔ?
SUƐI LEBOLII 14
Buɛi Ndoo Tuei Mɛlɛka Diom Ndo
Mi Choosɛ tosa nyɛ wa o kɛndɔɔ wo, kɛ a koŋ kpou, mbo saŋga tau. Le yɛɛ?
SUƐI LEBOLII 15
Pesiŋ Bɛɛ Chɛhowa Puɛɛnuŋ Choosɛ Le
Mi che bɛɛ Choosɛ wa landaŋ a yuŋgu ndɔɔ, kɛ mi Mɛlɛka chɔm maa o wa a ndu latulu.
SUƐI LEBOLII 17
Mi Muuse Kɛɛsiaa le Chɛhowa Piɛiyo
Teleŋ Muuse wa chɛlɛkpɛ wo, mi kala ndɔ tosa kɛɛsiaa kɛndɛ kɛndɔɔ le ndu chiindiaa.
SUƐI LEBOLII 19
Kpundɛla Yaala Taselaŋ
Le mɛɛ Felo wa wana yoŋga mbo kɛɛ le suɛi tɛtɛlɛi tosaa yɛ, mbo tusi wanaa nduaa kpundɔɔ choo.
SUƐI LEBOLII 20
Kpundɛla Ŋɔmpumnda Cheleŋ
Vɛɛ kpundɛlaŋ ndaŋ la wa yɛ teŋgeŋ a kpundɛla yaala taselaŋ?
SUƐI LEBOLII 21
Kpundɛ Tɔ Wo
Kpundɔɔ hoo ndoo hiuba a wɔuleŋ, nduyɛ mbo tosa mi Felo yoŋga bɛndoo mal Isɔluɛiya.
SUƐI LEBOLII 22
Kaamaa o Pee Siaŋa Mɛŋma iHɛllo
Mi Felo sɔla chindaa o kpundɛla tɔ laŋ niŋ. Kɛ baa ndoo sɔla pa chindaa o kaamaa Mɛlɛka tosa hoo wo niŋ?
SUƐI LEBOLII 23
A Chuel Chɛhowa Buŋgɛi
Mi Isɔluɛiya chuel Mɛlɛka buŋgɛi teŋgeŋnde naa nda wa o dɔɔŋgɔɔ o Pembii Sainaive wa.
SUƐI LEBOLII 24
A Lo o Buŋgɛi Nda Chua ve Choo Le
Mɛɛ Muuse kuɛ le Sawala Tɔ Laŋ biyɔɔ, mi waŋnda tosa haki wɔɔŋ wɔɔŋndo.
SUƐI LEBOLII 26
Suaŋ Suaŋnda Tɔ a Ŋiɔɔŋ
O suaŋ suaŋaa tɔ a ŋiɔɔŋ kuɛ lɛŋndeŋ Kenaŋndeŋ mɛɛndaŋndo wa tɛɛŋ, Chɔɔsuaa nda Kelɛbi wa teŋgeŋ.
SUƐI LEBOLII 27
Ma Simul Chɛhowa
Mi Kolua, Detaŋ, Abiluam, a ŋwaŋ 250 cheleŋnda kɛɛ le sɔɔŋ sɔviɔŋ sinaa a Chɛhowa okɔɔ.
SUƐI LEBOLII 29
Chɛhowa Hɛli Chɔɔsuaa
Mi Mɛlɛka ke Chɔɔsuaa nɛila chɔmaalaŋ, nduyɛ naa bɛɛ la nɔla mi la mala naa hau.
SUƐI LEBOLII 30
Luehabi Veŋ Puaa Suaŋ Suaŋnda
Kpakioo Chɛluiko koombiaa. Kɛ chiɛi Luehabi wo komba le, mi che bɛɛ o wa o hol naŋ o kpaki chioo.
SUƐI LEBOLII 31
Chɔɔsuaa nda Kibiɔnaitiiya
Mi Chɔɔsuaa piɛi o Mɛlɛka lo aa: “Tosa mi paaleŋ le sim yi!” Baa mi Mɛlɛka ndoo tuɛi piɛile ndɔleŋ?
SUƐI LEBOLII 32
Simlachinɔ Sɛnɛiyo a Waŋ Laanduaa Kɔl Simulaa a Ŋiɔɔŋ
Mɛɛ Chɔɔsuaa vi, mi Isɔluɛiya kandu piɔmnda sooluuwo. Yoomoo wa o kala le nda. Kɛ ma sɔla malaa wana kialaa ŋyamaa Baluaki o ba, Diboolua wana lanɔ ndoo suaa le Mɛlɛka wo, vɛlɛ a Chayɛɛ a chiliŋii nduɛi!
SUƐI LEBOLII 33
Lutu nda Nawomi
Waŋ laanduaa ŋiɔɔŋaa piaandaa ndaa vi wa miiŋgu Isɔluɛi. Waŋ laanduaa haa opilɛ wa Lutu ni. Mɛɛ o kuɛ wallo tosaa o chiɛi Bowaa ve niŋ, mi Bowaa cha ndu.
SUƐI LEBOLII 34
Kidiɔŋ Tiu Midianatiiya Ba
Mɛɛ Midianatiiya wa Isɔluɛiya nyɛpalaa tusioo choo, ma nyɔɔlu Chɛhowa le mbo mala nda. Puaa chɔuwaa Kidiɔŋ nda ve a bɔɔ le. Kɛ vɛɛ nda looku yɛ puaa chɔuwa 135,000 yomɔɔ?
SUƐI LEBOLII 35
Hana Piɛi le Mbo Velu Poo
Mi Ɛlikana ndoo kuɛ a Hana, Pɛninaa, vɛlɛ a yuŋgu ndɔɔ kpou o tɛndii Mɛlɛkaa Silɔɔ le Mɛlɛka piɛiyo. Loŋ Hana piɛi Mɛlɛka ni le mbo velu poo. Wɔsioo pilɛ okoŋ kɔɔli, mbo vialu Saamiɛɛ!
SUƐI LEBOLII 36
Buŋgɛi Chɛfita Chua Ve
Buŋgɛi yɛɛ Chɛfita ndoo chua yɛ, nduyɛ le yɛɛ? Yɛɛ chua Chɛfita wo ndoo tosa yɛ a buŋgɛi finya ndɔ chua ve?
SUƐI LEBOLII 37
Chɛhowa Soo Naa Saamiɛɛ Chua
Masa Wanaa Soliaa Lasalaa Ila ndoo nɔ puaa a ŋiɔɔŋ, nduyɛ wanaa soliaa lasalaa nda wa o tɛndii Mɛlɛkaa ni. Kɛ a ve sawala Mɛlɛkalaŋ diikɔŋ te. Saamiɛɛ wa feleŋgɔnɔ nduyɛ o wa teŋgeŋ. Ichɔl pilɛ, mi Chɛhowa suaa o ndu lo.
SUƐI LEBOLII 38
Chɛhowa Ke Samsiŋ Kpaayaa
Mi Mɛlɛka ke Samsiŋ kpaayaa le Filitiaŋnda chɔulabaa. Kɛ mɛɛ Samsiŋ tosa kɛɛsiaa wɔɔŋndo, mi Filitiaŋnda bii ndu.
SUƐI LEBOLII 39
Masa Tasoo le Isɔluɛi
Mi Mɛlɛka ke Isɔluɛiya wanaa kialaa ŋyamaa le ma wa nda chilaŋ, kɛ mi ndapila nyuna le mbo ke nda masaa. Mi Saamiɛɛ pɔya Sɔɔ le mbo wa masa tasoo. Kɛ o mɛɛlulaŋ, mi Chɛhowa kɛɛ Sɔɔ. Le yɛɛ?
SUƐI LEBOLII 40
Deeve nda Koolaya
Chɛhowa hɛli Deeve le mbo wa masa diiŋ ndɔɔ le Isɔluɛi. Nduyɛ mi Deeve chɔm maa o suliŋ le ma hɛli ndu.
SUƐI LEBOLII 42
Chonataŋ Wa Wana Kɔl Simulaa a Wana Lo o Lediomndo
Mi po masaa simnuŋ chaŋyɛi kɛndɛ kɛndɛi naa Deeve chua.
SUƐI LEBOLII 44
Chiɛiyo le Chɛhowa
Mi Mɛlɛka hini kɔl a piɛile Sɔlɔmɔŋ ndeŋ, nduyɛ mbo ke ndu dilakeŋnaŋndaŋ tau.
SUƐI LEBOLII 49
A Tusi Masa Laandu Dɛnɛ Wɔɔŋndo Nyɛpalaa Choo
Mi Chɛsibɛɛ kɛɛsiaa le ma dii Nabɔti, le halikpeŋ mbo chiimbuu kpele ndɔɔ! Mi Chɛhowa cha dɛnɛ wɔɔŋ o wa koŋ tosaa wo.
SUƐI LEBOLII 50
Chɛhowa Mala Chɛhosiafati
Masa kɛndɔɔ pila Chɛhosiafati wa ni. Nduyɛ, mɛɛ yaamɔɔwaa ndaa kɔŋgɔlaŋ le Chuda delɔɔ choo a sɔŋgɔɔ, mbo piɛi o Mɛlɛka lo le malaa.
SUƐI LEBOLII 51
Kuubanɔ Chɔuwo nda Chuaambɔ Pɔmbɔɔ
Chuaambɔ Isɔluɛinɔɔ dimul lanɔɔ wana bɛndu o wa o ba wo a kpaaya bɛndu Chɛhowaa okɔɔ. Nduyɛ mi hei huŋ a fulamakɔɔlila kɛndɛlaŋ.
SUƐI LEBOLII 52
Puaa Chɔuwaa leYiŋaa Chɛhowaa
Mi buɛi Ilaasia wo mɛɛlu sina maa ‘puaa chɔuwaa cho a naa latulu wa hiou puaa ndaa chɔuwa.’
SUƐI LEBOLII 53
Kɔl Simulaa Chɛhowada Chɔmndo
Mi wana soliaa lasala chɔm lo lechoo wo mbo simul masa laandu dɛnɛ wɔɔŋndo.
SUƐI LEBOLII 54
Mi Chɛhowa Biunuŋ Chona
Vɛɛ suu bɛndoo looku yɛ wana ndoo suaa le Mɛlɛka wo miolɔɔ? Vɛɛ o looku yɛ fula leniŋ? Yɛɛ Chɛhowa pɛɛku yɛ wana ndoo suaa hoo le ndu wo?
SUƐI LEBOLII 55
Maalikɛinɔ Chɛhowa Wo Chiindiaa Hɛsɛkiya
Mi yaamɔɔwaa waŋnda Chuda dimi maa Chɛhowa tiuba mbo chiindiaa wanaa nduaa le, kɛ choolaŋ ndaa dimi ni!
SUƐI LEBOLII 56
Choosaya Ndoo Kaala Sawala Mɛlɛkalaŋ
Choosaya wa wɔsilaŋ la ŋɔmaa mbo simnuŋ masaa le Chuda, nduyɛ mbo mala wanaa o wa choo masa wa ma piɛi Chɛhowa.
SUƐI LEBOLII 57
Chɛhowa Vem Chɛluimaya le Yooŋgoo Dimioo
Mi nyɛ Chɛluimaya dimi wo tosa mi laŋgbaa kalla duaŋ tumbe tau.
SUƐI LEBOLII 58
Chulusalɛm Sɔla Tambei
Waŋnda Chuda wa hiouwɔɔ lachi a mɛlɛkaa lachoowaa sooluuwo. Le hei, mi Chɛhowa faŋaŋ nda kɔɔli.
SUƐI LEBOLII 59
Puaambuaa Hiɔɔluaa Tuei Chɛhowa Diom Nda
Mi che bɛɛ puaa feleŋguaa fula Chudiaa wa wa wallo o chiɛi lemasa niŋ Babilɔŋ, kɛ ma kɛɛsiaa le ma hiou lachi a Chɛhowa piɛiyo.
SUƐI LEBOLII 60
Masale Cho Wa le Fɛɛŋ a Fɛɛŋ Ndeŋ
Daaniɛɛ tɛɛsiaa nyɛ lɔma kɔndɔfilma Nɛbukanɛɛsa sɔl laŋ ma sim ndo.
SUƐI LEBOLII 61
Ma Kɛɛ le Wulaŋ Baŋɔɔ
Siadulua, Mɛsiaki, a Abɛniko kɛɛ le piɔm ŋkoolii masaa Babilɔŋ toosiaa wo sooluuwo.
SUƐI LEBOLLII 62
Masaleŋ Maa Yɔm Bɛndu Bɛndoo
Mi Nɛbukanɛɛsa sɔl luaŋ a nyɛ wa ndu yɔŋnɔŋ o chilaŋ niŋndo okɔɔ.
SUƐI LEBOLII 63
Poonyiaa Cho o Chiɛiyo
A teleŋ kuɛɛ nda che yɛ poonyiaa kɔndɔfillo hoo, nduyɛ yɛɛnɛ o sim yɛ?
SUƐI LEBOLII 64
Daaniɛɛ Cho o Sooŋ Kpɔkuŋnda Niŋ
Piɛi o Chɛhowa lo lepaa o lepaa mɛɛ Daaniɛɛ ndoo tosa yɛ!
SUƐI LEBOLII 65
Ɛsita Chiindiaa Wanaa Nduaa
Mi che bɛɛ o lɛŋnde pila leŋ niŋ Ɛsita wa ni nduyɛ viiyo o wa niŋ ni, kɛ mbo simnuŋ lanɔɔ masaa.
SUƐI LEBOLII 66
Ɛsilua Pɛɛku Waŋnda Sawala Mɛlɛkalaŋ
Mɛɛ Isɔluɛiya chii Ɛsilua nilaŋ yaŋɔɔ, ma chuel mɛlɛka buŋgɛi teŋgeŋnde.
SUƐI LEBOLII 67
Kpakioo Chulusalɛm
Mi Nɛhimaya tuɛi maa yaamɔɔwaa nduaa yeema ma huŋ del ndu choo. Le yɛɛnɛ siooŋii ve yɛ ndu le?
SUƐI LEBOLII 68
Elisabɛɛ Velu Chɛlɛkpɔɔ
Le yɛɛnɛ ndaa dimullɛ pɔnɔɔ Elisabɛɛ maa haaa mi poombɔɔ veluŋ, o nɔla niŋ suɛi le?
SUƐI LEBOLII 69
Keebilɛɛ Kuɛ Naa Meele Chua
Mi Keebilɛɛ dimul Meele yooŋgoo mbo siŋga sɔɔŋ kpou o yoomu ndɔɔ niŋ.
SUƐI LEBOLII 70
Maalikɛiya Yonda a Violɔŋ Chiisu Wo Okɔɔ
Mɛɛ wanaa mandaa lasaa tuei maalikɛiya yondaa, ma kua Bɛtilɛhɛm chɔ chɔ.
SUƐI LEBOLII 72
Teleŋ Chiisu Wa Wɔsilaŋ 12
Yɛɛ Chiisu ndoo tosa yɛ o chiɛi Mɛlɛkaa niŋ mi kɔndɔfillo bii wanaa pɛɛku waŋnda sawala Mɛlɛkalaŋ nda?
SUƐI LEBOLII 73
Chɔŋ Bɛɛndiaa Nɛiyo
Mɛɛ Chɔŋ sul kaasoŋnɔ, mbo simnuŋ wana suaa le Mɛlɛka wo. O wa waŋnda pɛɛkoo maa Mɛsayanɔɔ cho hunɔɔ. Yɛɛnɛ waŋnda ndaa tosa yɛ mɛɛ nda tuei yooŋgu o wa nda dimullo wo?
SUƐI LEBOLII 74
Chiisu Simnuŋ Mɛsayanɔɔ
Yɛɛnɛ Chɔŋ ndoo yiyaŋ yɛ mɛɛ o dimi maa Chiisu cho Saa Fɔŋndɔ Mɛlɛkaa ni?
SUƐI LEBOLII 75
Setana Tɔɔndaŋ Chiisu
Mi Setana tɔɔndaŋ Chiisu le yaa kpulukuu. Chɔmndɔ tɔɔndaŋnda yaala laŋ? Vɛɛ Chiisu ndoo mulullɛ ndu?
SUƐI LEBOLLII 76
Chiisu Dindi Chiɛi Mɛlɛkaa
Le yɛɛnɛ Chiisu ndoo soli yɛ visiaa wa o chiɛi Mɛlɛkaa niŋnda o bɛɛ, nduyɛ mbo nyiinduu tibiila wanaa wa kanioŋ siŋgaa wa mbo sɛŋi kaniŋ ndaŋ lɛŋ?
SUƐI LEBOLII 77
Chua Hiŋ o Sooŋ Mamɛŋndo Wo
Mi kɔndɔfillo bii chua Sameeliaŋnɔɔ mɛɛ Chiisu soo o ndu lo. Le yɛɛ? Le yɛɛ Chiisu dimullɛ ndu nyɛ ndoo dimullɔ wana lepilɛ bɛɛ le wo?
SUƐI LEBOLII 78
Chiisu Dimi Yooŋgu Kɛndɔɔ a Masale Mɛlɛkaleŋ Okɔɔ
Chiisu veelu buɛiyaa nduaa apum le ma simnuŋ “wanaa yɔɔyaa ŋwaŋnda chiee.” Okoŋ kɔɔli, mbo pɛɛku buɛiyaa nduaa 70 le yooŋgu kɛndɔɔ dimioo.
SUƐI LEBOLII 79
Mi Chiisu Tosa Kaamaalaŋ Tau
Ba o ba ndoo kuɛ pɛ, mi wanaa wa a naalaŋ nda ndaa tol ndu kɔɔli le mbo mala nda, nduyɛ mi ndoo siŋgi nda. Mbo miŋgi pɛŋ chuaambɔ pɔmbɔ ndoo vi wo yoomu.
SUƐI LEBOLII 80
Chiisu Hɛli Kiilaa 12
Le yɛɛnɛ Chiisu ndoo hɛli yɛ kiilaa nduaa? A sina pa diola ndalaŋ?
SUƐI LEBOLII 81
Suɛi Chiisu Yɔŋgu o Pembei Choo Ve
Mi Chiisu pɛɛku faŋga ndoo chuuŋgiaŋndo sɔɔŋ kɛndɔŋ tau.
SUƐI LEBOLII 82
Chiisu Pɛɛku Buɛiyaa Nduaa Mɛɛ Nda Nɔ Ma Piɛi Yɛ
Sɔɔŋ kuɛɛ Chiisu ndoo dimullɛ buɛiyaa nduaa le ma lambaŋ nyunaa le muŋ?
SUƐI LEBOLII 83
Chiisu Ke Waŋnda o Waalaŋ Niŋ Nyɛdiaa
Yɛɛnɛ kaama hoo pɛɛku yɛ naa a Chiisu okɔɔ nda Chɛhowa?
SUƐI LEBOLII 84
Chiisu Kuɛ o Mɛŋndaŋ Choo
O yiyaŋ numndo niŋ, vɛɛnɛ kɔllo wa yɛ kiilaa Chiisu wa mɛɛ nda che kaamaa hoo?
SUƐI LEBOLII 85
Chiisu Siŋgi Waŋndo o Paale Pɛŋgiaale Chuuwa Choo
Le yɛɛnɛ o ve waŋnda kpou le wa a kɔl kɛndɛ le nyɛ Chiisu wa tosaa wo le?
SUƐI LEBOLII 86
Chiisu Miŋgi Lasalɔɔ Yoomu
Mɛɛ Chiisu che Meele chaŋndo, mi ndu bɛɛ kandu chaŋndo. Kɛ haupa mi chaŋ nda wa wo muliŋ o kɔl kɛndɔɔ.
SUƐI LEBOLII 87
Nyɛdiaa Ichɔl Chiisu Mɛɛlu Dio Wo
Mi Chiisu ke kiilaa nduaa silala sɔvɛ sɔvɛlaŋ teleŋ nda wa nyɛdiaa mɛɛlaa dioo latulu wo.
SUƐI LEBOLII 88
A Bii Chiisu
Chuda Isikaliɔɔ hiŋ a faŋga bɛndoo ndu kɔɔli le Chiisu biyɔɔ, nduyɛ mɔɔŋ a yɔmnde cho nda o laba.
SUƐI LEBOLII 89
Pitɛ Viinuŋ Maa o Sina Chiisu Le
Yɛɛ ndoo yɔŋnuŋ yɛ o Kayafaa lo bɛɛ? Nduyɛ yɛɛnɛ ndaa tosallɛ Chiisu chiɛiniŋ?
SUƐI LEBOLII 93
Chiisu Miiŋguŋ Choo Choo
Tuupa mi Chiisu miiŋguŋ choo choo, mbo ke buɛiyaa nduaa silala sɔvɛ sɔvɛlaŋ lapum.
SUƐI LEBOLII 94
Buɛiyaa Chiisu Wa Sɔla Nyina Diandaa
Kpaaya kɔndɔfili kuɛɛ nyina diandaa ndoo ke yɛ buɛiyaa Chiisu wa?
SUƐI LEBOLII 95
Nyɛ o Nyɛ Ndoo Nɔla Mbo Kuuna Nda Le
Simlachiaa lepiɛiyaa dii Chiisu wa cho vɛlɛ kindiŋndo le buɛiyaa nduaa kuunaa yooŋgu kɛndɔɔ dimioo. Kɛ a tiuba le.
SUƐI LEBOLII 96
Chiisu Hɛli Sɔɔ
Yaamɔɔnɔ wɔɔŋ wɔɔŋndo pila Sɔɔ wa le Kilisiɔŋnda ni, kɛ ndoo nɔ mbo siŋgaŋ.
SUƐI LEBOLII 97
Kɔniiliɔɔ Sɔla Nyina Diandaa
Le yɛɛnɛ Mɛlɛka ndoo vem yɛ Pitɛ o chiɛi laŋunɔɔ hoo, o ve hoo Chuunɔ le wo?
SUƐI LEBOLII 98
Mi Wanaa Bɔɔbɔɔ Simnuŋ Kilisiɔŋnda
Mi kiilanɔɔ Pɔɔl nda chaaŋaa nduaa misiɔnalueiya kandu yooŋgu kɛndɔɔ dimioo o fondaŋnda leviltaŋ.
SUƐI LEBOLII 99
Wana Manda Waŋnda o Chiɛi Manyumndo Niŋndo Pɛɛku Tonyaa
Vɛɛ nyina wɔɔŋndo, lɛŋnde nyiiyaaleŋ, muɛi poo chua le diinɔŋndo ve kpou cho yɛ sɔɔŋ sɔvɛ o bundɛi hei niŋ
SUƐI LEBOLII 100
Pɔɔl nda Timoti
Puaa ŋiɔɔŋnda haa wa o chaŋyɛi niŋ, nduyɛ ma tosa wallo diompilɛ le Mɛlɛka le wɔsila bɔɔbɔɔ.
SUƐI LEBOLII 101
A Kuɛ a Pɔɔl o Lɛŋnde Luomaŋ Ndeŋ Niŋ
Mi kpundɛlaŋ la komal kiilanɔɔ hoo o nɛi tɛɛŋ tau, kɛ kpundɛla laŋ la dii ndu ŋdial te.
SUƐI LEBOLII 103
“Maa Masale Numndeŋ le Huŋ”
Yilaŋuŋ Chɔŋ che woŋ chɔm mɛɛ Masale Mɛlɛkaleŋ le cho hunɔɔ yoomoo siŋga o chieeŋndo choo yɛ.
