A Buŋgɛi 10 Okɔɔ
Chɛhowa cho Masa hiou masaa kpou wo ni. Kani masindɛ, Chɛhowa nɔ kpaayaa nyɛ o nyɛ choo. Nduyɛ kpaaya ndɔɔ hoo nɔ lamɛɛlu le. Le tamaseliiyo, mbo chiindiaa Chɛluimaya o sooŋ yiŋgilɛi ndaa wou ndu le ndu diyɔɔ wo niŋ. Mbo chiindiaa Siadulua, Mɛsiaki, a Abɛniko o yiŋnde tondoleŋ niŋ. Nduyɛ, mbo chiindiaa Daaniɛɛ o sooŋ kpɔkuŋnda niŋ. Mi Chɛhowa manda Ɛsita le halikpeŋ mbo chiindiaa kaale ndɔleŋ kpou. Chɛhowa cho chɛlɔɔ mi dɛnɛ wɔɔŋndo hiou lachi le fɛɛŋ a fɛɛŋ te. Sɔɔŋ Baabuiyo dimi a piɔm ŋkoolii bɛndu bɛndoo, vɛlɛ a yɔm bɛndoo okɔɔ woŋ ke naa tiindaŋndo kɛsɛ maa, Masale Chɛhowa leŋ le cho suŋ hunɔɔ o chieeŋndo choo, mi le faŋa dɛnɛ wɔɔŋndo.
O BUŊGƐI HEI NIŊ
SUƐI LEBOLII 57
Chɛhowa Vem Chɛluimaya le Yooŋgoo Dimioo
Mi nyɛ Chɛluimaya dimi wo tosa mi laŋgbaa kalla duaŋ tumbe tau.
SUƐI LEBOLII 58
Chulusalɛm Sɔla Tambei
Waŋnda Chuda wa hiouwɔɔ lachi a mɛlɛkaa lachoowaa sooluuwo. Le hei, mi Chɛhowa faŋaŋ nda kɔɔli.
SUƐI LEBOLII 59
Puaambuaa Hiɔɔluaa Tuei Chɛhowa Diom Nda
Mi che bɛɛ puaa feleŋguaa fula Chudiaa wa wa wallo o chiɛi lemasa niŋ Babilɔŋ, kɛ ma kɛɛsiaa le ma hiou lachi a Chɛhowa piɛiyo.
SUƐI LEBOLII 60
Masale Cho Wa le Fɛɛŋ a Fɛɛŋ Ndeŋ
Daaniɛɛ tɛɛsiaa nyɛ lɔma kɔndɔfilma Nɛbukanɛɛsa sɔl laŋ ma sim ndo.
SUƐI LEBOLII 61
Ma Kɛɛ le Wulaŋ Baŋɔɔ
Siadulua, Mɛsiaki, a Abɛniko kɛɛ le piɔm ŋkoolii masaa Babilɔŋ toosiaa wo sooluuwo.
SUƐI LEBOLLII 62
Masaleŋ Maa Yɔm Bɛndu Bɛndoo
Mi Nɛbukanɛɛsa sɔl luaŋ a nyɛ wa ndu yɔŋnɔŋ o chilaŋ niŋndo okɔɔ.
SUƐI LEBOLII 63
Poonyiaa Cho o Chiɛiyo
A teleŋ kuɛɛ nda che yɛ poonyiaa kɔndɔfillo hoo, nduyɛ yɛɛnɛ o sim yɛ?
SUƐI LEBOLII 64
Daaniɛɛ Cho o Sooŋ Kpɔkuŋnda Niŋ
Piɛi o Chɛhowa lo lepaa o lepaa mɛɛ Daaniɛɛ ndoo tosa yɛ!
SUƐI LEBOLII 65
Ɛsita Chiindiaa Wanaa Nduaa
Mi che bɛɛ o lɛŋnde pila leŋ niŋ Ɛsita wa ni nduyɛ viiyo o wa niŋ ni, kɛ mbo simnuŋ lanɔɔ masaa.
SUƐI LEBOLII 66
Ɛsilua Pɛɛku Waŋnda Sawala Mɛlɛkalaŋ
Mɛɛ Isɔluɛiya chii Ɛsilua nilaŋ yaŋɔɔ, ma chuel mɛlɛka buŋgɛi teŋgeŋnde.
SUƐI LEBOLII 67
Kpakioo Chulusalɛm
Mi Nɛhimaya tuɛi maa yaamɔɔwaa nduaa yeema ma huŋ del ndu choo. Le yɛɛnɛ siooŋii ve yɛ ndu le?
