Buŋgɛi hei soo a Yaula maKilikiilaŋ okɔɔ. O yuŋgu tusiaŋ bɛndoo pila niŋ Chiisu ndoo veluŋ ni. Nduyɛ o chiee pɔmbɔɔ pum niŋ yuŋgoo hoo wa ni. Kaapindɛinɔɔ finya ndɔ wa ni, nduyɛ mbo tosa wallo latulu a ndu. Chiisu ndoo nɔ le waŋnda chieeya chiindiaa ni. Chɛhowa hɛli ndu ni le mbo wa Masaa le Masale ndɔleŋ o choo choo niŋ. Te kala chuaa ŋ cho ni, mala po numndo ɔɔ chua numndo mbo sina mɛɛ Chɛhowa hɛli yuŋgoo, vɛlɛ a fondaa nyɛkɛndɛi le Chiisu mandaa yɛ. Mala ndu mbo sina mɛɛ Chɛhowa manda Chiisu, masaa Hɛlɔɔ nɔla ndu diyɔɔ le yɛ. Nduyɛ maa nyɛ o nyɛ nɔla mbo kuuna sabu Chɛhowaa peelɔŋndo le. Mala ndu mbo sina mɛɛ Chɛhowa vem Chɔŋ le mbo bɛɛndiaa pɔɔ nɛiyo le Chiisu yɛ. Tɛɛsial ndu maa teleŋ Chiisu wa bɛɛ o pɔmbɔ wo, ndoo kaala bɔɔ taasi Chɛhowaa.