Mi Chiisu huŋ o chieeŋndo choo le mbo yɔŋgu yoomu ndɔɔ le waŋnda chieeyaa lahakiaa. Mi che bɛɛ mbo wu, kɛ mbo yam chieeŋndo. Nduyɛ, Chɛhowa mel Po ndɔɔ le. Le hei, mɛɛ o vi, mbo miŋgi ndu yoomu. Tuupa mbo wu, mi ndoo mala waŋnda o nɛi tusiaŋ niŋ, nduyɛ mi ndoo mal nda haki le biondɔŋnda ndalaŋ. Mɛɛ Chiisu miiŋgu yoomu, mbo fula buɛiyaa nduaa o hɔl. Mbo pɛɛku nda mɛɛ nda nɔ ma tosa wali sɔvɛ o ke nda le tosaa wo yɛ. Te kala chuaa ŋ cho ni, mala po numndo ɔɔ chua numndo le mbo sina maa naa bɛɛ nɔ miŋ tosa wali pilɔɔ hoo kpe hau.