Mi Kilisiɔŋaa tasiaa dimi yooŋgu kɛndɔɔ a Masale Mɛlɛkaleŋ okɔɔ o fondaŋnda leviltaŋ o chieeŋndo choo. Mi Chiisu chɔm nda fondaŋnda ndaa nɔ le yooŋgu kɛndɔɔ dimioo laŋ. Nduyɛ, o nɛi kaamaa niŋ, mbo tosa ma pɛɛku waŋnda o sɔɔŋ ndaŋ maŋgalaŋ niŋ. Mi Chɛhowa ke nda kɔl simulaa a kpaayaa le ma biunuŋ nyɛpalaa kala kala nda wa nda tusioo choo wo.

Mi Chiisu tosa mi kiilanɔɔ Chɔŋ cha naŋɔɔ Chɛhowaa o yilaŋndo niŋ. O yilaŋ cheleŋ niŋ, mi Chɔŋ cha mi Masale Mɛlɛkaleŋ le tiu Setana ba, a nyɛ o nyɛ cho ndu o ba bɛŋgu le fɛɛŋ a fɛɛŋ. Mi Chɔŋ cha Chiisu o Masaleŋ choo o choo choo niŋ, a waŋnda 144,000 a ndu latulu. Mi Chɔŋ cha vɛlɛ mi chieeŋndo kpede simnuŋ kpele hɛnɛkiɔɔ, nduyɛ waŋnda ba o ba fee wa Chɛhowa piɛiyo o kɔl nyulu niŋ.