Mi Chɛhowa ke Sɔlɔmɔŋ taasioo tau. Nduyɛ mbo ke ndu dioo le chiɛi ndɔɔ taŋgullo. Kɛ o pɔmpɔmbɔ, mbo mal Chɛhowa piɛiyo. Te kala chuaa ŋ cho ni, tɛɛsial po numndo ɔɔ chua numndo mɛɛ wanaa wa mɛlɛkaa lachoowaa piɛiyo wa tosa mi Sɔlɔmɔŋ mulul Mɛlɛka kɔɔ yɛ. Mi masale ndɔleŋ le piɔunuŋ tɛɛŋ. Mi masaa wɔɔŋnda tosa mi Isɔluɛiya mulul piɛile tonyaleŋ kɔɔ, ma muliŋ piɔmnda sooluuwo. A teleŋ koŋ, ma tusi wanaa bɔɔbɔɔ ndaa suaa le Chɛhowa wa nyɛpalaa choo, nduyɛ ma diu nda. Isɔluɛiyaa wa o masaleŋ kumbuii baluaŋndo bɛŋgu wa, mi Chɛsibɛɛ tosa ma chɔɔlu Mɛlɛka simul. Boondii wɔɔŋnde wa hei ni le Isɔluɛiya. Kɛ o Isɔluɛiya tɛɛŋ, a bɔɔbɔɔ wa wɔ Chɛhowa piɛiyo o laalaŋndo choo. Masaa Chɛhosiafati, a wana suaa le Mɛlɛka wo Ilaacha wa o waŋnda haa tɛɛŋ.