TOFAWƆ nyɛ cho yɔŋnɔŋndo wo. Adama nda Ifi sɔla solio o kpele kɛndɔɔ niŋ Idɛŋ. A sina pa le sabu koŋ?

Kanifuule suɛi wɔɔŋii bɛnduei pila nda tosa ni. Le saboo hoo Jɛhowa cho nda dɛnɛpalaa tuisio choo ni. A sina pa dɛnɛwɔɔŋ Adama nda Ifi tosa wo?

Nyɛ Mɛlɛka dimi maa a tosa loo nda tosa ni. Mi Mɛlɛka dimul nda aa: ‘Yɔm o yɔm kuamaa cho o kpeloo hoo niŋ, la dia. Kɛ yɔm komɔɔ ndɔɔ tosa mi wana sina suɛi wɔɔŋnde a ikɛndɛiyo, la dia ndu le pa. O paaleŋ niŋ bɛɛ te la de ndu pɛ, la vi.’ Ndu pila ndoo nɔ yɔm koŋ ni. Nduyɛ ŋ sina maa i cho suɛi wɔɔŋ le chuaa nyɛ cho nyɛ num too, vɛ, lende le icho le? Kɛ yɛɛ ndoo yɔŋnuŋ yɛ?

Paale pilɛ mɛɛ Adama faŋaŋ Ifi ikɛi o Kpeloo niŋ, mi kɛuwo huŋ soo o Ifi lo. Yiyaŋndɔ a keŋ okɔɔ! Mbo dimul Ifi maa o dio komɔɔ yɔm Mɛlɛka dimul nda koŋ maa a dia loo. Kɛ teleŋ Jɛhowa toosiaa kɛuwa wo, ndoo toosiaa nda le ma soo le. Mɛɛ hoo cho naa chɔmndo maa, wana cheleŋ tosa ni mi kɛuwo suaa. Nɛɛ wa yɛ wana koŋ nɛ?

O ve Adama le. Tuupa mi Jɛhowa toosiaa chieeŋndo, ndoo toosiaa fɛŋ ŋwaŋ o choo choo niŋ. Wanaa kaŋ cho yɛ maalikɛiya ni, nduyɛ ŋ chi nda le. Mi maalikɛiya haa opilɛ simnuŋ wana heelaŋ bɛndu. Maalikɛinɔ koŋ cho yɛ Setana ni. Mbo yiyaŋ maa ndu bɛɛ nɔ mbo wa masa maa Mɛlɛka Jɛhowa. Nduyɛ mbo yeema le mi waŋnda tuei ndu diom. Maalikɛinɔ koŋ tosa ni mi kɛuwo suaa.

Maalikɛinɔɔ hoo hui Ifi ni. Mɛɛ o dimul Ifi maa te o de pɛ komɔɔ yɔm koŋ o cho simnɔŋ maa Mɛlɛka, mi Ifi laalaŋ ndi. Okoŋ mbo dia ndu, nduyɛ mbo huŋ ke Adama mi ndu bɛɛ dia. Adama nda Ifi tuii Mɛlɛka diom te, koŋ tosa ni mi chieenda kɛndɔɔ hoo hialuŋnda.

Kɛ paale waniŋ mi Mɛlɛka miŋgi vɛlɛ chieeŋndo hoo kpou o kɛndɛ kɛndɛ maa kpeloo Idɛŋ. Ŋ cho hunɔɔ pɛɛku mɛɛ num looku ma mala le ndu miŋgio o kɛndɛ yɛ. Kɛ ŋ pɛɛkuŋndɔ fɛŋ nyɛ yɔŋnuŋ Adama nda Ifi wo.