TOFAWƆ chɛlɛkpɛ lendoo hoo chaŋndo, o saa chuaa suei. Muuse cho hoo ni. A sina pa chua laandu kɛndɛ Muuse saa koŋ sueiyo? Chua Felo wo o cho ni, masaa Ichipi.

Yɔŋi Ichiptiaŋnda ndaa dii Muuse, mi kalandɔ viaŋ ndu le paŋgoŋ ŋgaa. Kɛ mɛɛ o sina maa a cho Muuse saalɔŋ, nyɛ o tosa le ndu kiindiaa wo wa hoo ni.

Mbo chua kambɛiyo mbo toosiaa ndu nyɛ kɛndɛ kɛndɛ yɔŋi mɛŋndaŋ ma luɛi leniŋ. Mɛɛ mbo wou Muuse leniŋ. Mbo kɔ kɛsi ndu o bil vilɛiyo tɛɛŋ o Pioo Nail. Mbo dimul Meeliaŋ, yemaa Muuse le mbo kɔ sim ikɛi mbo che nyɛ cho yɔŋnɔŋndo.

Okoŋ mi chua Felo wo huŋ pulɔŋndo o Pioo Nail. O ve kɔl te mbo cha kambɛiyo o kɛsiaa o bil vilɛiyo tɛɛŋ. Mbo veelu buɛiyaa nduaa laanduaa o pilɛ mbo dimul ndu aa: ‘Kɔ chuella kambɛiyo hoo nda.’ Mɛɛ chua masaa kumbi kambɛiyo hoo, nuawɔ se chɛlɛkpɛ kɛndɛ bɛndu o che leniŋ ndo! Muuse wa chaŋndo kpeekpei leniŋ. Le hei, mi mɔnɛi bii chua masaa hoo le ndu. O yeema kposoŋ ma dii ndu le.

Mɛɛ mi Meeliaŋ huŋ ndoŋ chɔ chɔ. A cha ndu bɛɛ o fotueiyo niŋ. Mi Meeliaŋ nyuna chua Felo wo aa: ‘I kɔ veelul num chua Isɔluɛinɔɔ le mbo wɛsil num ndu?’

Mi chua masaa mulul ndu aa: ‘Yandii kɔ.’

Mi Meeliaŋ nyaanuŋ bɛɛ chɔ chɔ mbo kɔ dimul kala ndɔ. Mɛɛ kalaa Muuse hiŋ, mi chua masaa dimul ndu aa: ‘Chua chɛlɛkpɔɔ hoo ma mandal la ndu, I cho num paawa.’

Kalaa Muuse pila kpeekpei manda Muuse ni. Mɛɛ Muuse mal mɛɛleŋ, mbo chua ndu chɔ mbo huŋ a ndu o chua masaa lo, mbo siiŋguu ndu niko po ndɔ. Mɛɛ naa Muuse looku sulɔɔ kaasoŋnɔ o chiɛi Felo wo niŋ ni.