BUŊGƐI 3
Chɔŋ a Fula Isɔluɛiya o Chɛleŋ niŋ Ichipi mbo huŋ bii a Masa Nda Tasoo
Muuse sim Isɔluɛitiiya lachi ni ma fula o chɛleŋ niŋ Ichipi, ma kua o pembii Sainai ve. Loŋ Mɛlɛka ke nda sawala ndɔlaŋ ni. Mɛɛ nyɔɔ viou kpɛɛ, mi Muuse viam suaŋsuaŋnda tɔ a ŋiɔɔŋ le ma kɔ mɛɛndaŋ lɛŋnde Kenaŋndeŋ. Kɛ mi ŋwaŋ tɔ miiŋgu a kona wɔɔŋndo. Ma tosa mi waŋnda yeema le miiŋgɔŋndo Ichipi. Le mɛɛ Isɔluɛitiiya kɛɛ laalaŋndo dɔuwɔɔ o Mɛlɛka niŋ yɛ, mi Mɛlɛka saaŋgiaa nda tau. Mbo tosa ma chii wɔsilaŋ 40 o pollo niŋ.
O mɛɛlulaŋ kpɔŋ, mi Jɛhowa hɛli Chɔɔsuaa le mbo sim Isɔluɛitiiya lachi le kɔlaŋ o lɛŋnde Kenaŋndeŋ niŋ. Le ma sɔla lɛŋndeŋ, mɛɛ mi Jɛhowa tosa fɛŋ kaamaalaŋ. Mbo tosa mi mɛŋma Chɔɔdaŋndaŋ ma pɛŋgi hiouwɔɔ, mi kpakio Chɛliko komba, nduyɛ mbo tosa mi paaleŋ le kɛɛ le chuwɔɔ. Mɛɛ wɔsilaŋ la hiou la ŋɔmpum, mi Isɔluɛitiiya hialu lɛŋndeŋ Kenanaitiiya o ba.
Kandɔŋndo a Chɔɔsuaa, wanaa kialaa ŋyamaa wa Isɔluɛitiiya choo ni le wɔsilaŋ 356. Ŋ cho hunɔɔ pɛɛku a abɔɔ bɔɔ okɔɔ, mɛɛ Balak cho naa yɛ, Kiidiɔŋ, Chɛfita, Samsiŋ vɛlɛa Samiɔŋ. Ŋ cho vɛlɛ pɛɛku a Luehab, Dɛbola, Cheyɛl, Lutu, Nawomi a Dilaila. Sɔɔŋ yɔŋnuŋ o Buŋgɛi YAAVE hei niŋnde, ŋ chua wɔsilaŋ kpou kpou 396.
O BUŊGƐI HEI NIŊ
BUNDƐI 38
Suaŋsuaŋaa 12
Mi suaŋsuaŋaa Tɔ wa suaa nyɛ pilɔɔ kpe, kɛ mi a ŋiɔɔnda dimi nyɛ cheleŋ. Nɛɛnɛ Isɔluɛiya laalaŋ yɛ?
BUNDƐI 39
Le yɛɛ Tinda Eelɔŋndo Villɛ Filawɛilaŋ
Vɛɛ sioŋnde vesɛileŋ le looku yɛ filawɛilaŋ soli a komɔɔ diuwaa o nyumndaŋ ma pilɛ niŋ kpe?
BUNDƐI 42
Sofɛlɔɔ Soo
BUNDƐI 43
Chɔɔsuaa Simnuŋ Simlachinɔɔ
Muuse cho wɔ kpeŋgbeleŋ, kɛ le yɛɛ nda siŋga yɛ ndu a Chɔɔsuaa?
BUNDƐI 44
Luehab Veŋ Suaŋsuaŋnda
Vɛɛ Luehab ndoo mala yɛ puaa ŋiɔɔŋnda haa, nduyɛ le mala yɛɛ ndoo nyuna yɛ?
BUNDƐI 45
A Cho Pioo Chɔɔdaŋ Taŋɔɔ
Mi kaamaa yɔŋnuŋ mɛɛ wanaa soliaa lasalaa tusi peloŋ o mɛŋndaŋ niŋ.
BUNDƐI 48
Kiibiɔnaitiiyaa Taasiaa
Ma hui Chɔɔsuaa a Isɔluɛiya le ma yii kpemaa, kɛ mi Isɔluɛiya lo o kpema ndaa choo.
BUNDƐI 49
Paaleŋ le Simnuŋ Yi
Mi Mɛlɛka tosa suɛi pum le Chɔɔsuaa, kani bɛɛ o tosa wɔ ndi le nduyɛ lepilɛ bɛɛ i tosaŋndɔ le.
BUNDƐI 50
Waŋlaanduaa Kɔl Sikpaa Ŋiɔɔŋnda
Beluaki sim puaa chɔuwaa Isɔluɛiya lachi o chɔuwo, kɛ le yɛɛ Cheyɛl sɔla yɛ saŋgalaa?
BUNDƐI 52
Kiiidiɔŋ a Puaa Nduaa 300 Wa
Kiidiɔŋ soliŋ taasi chɔuwo kpeku le ma kɔ kol le mbo hɛli puaa nduaa chɔuwa.
BUNDƐI 55
Poombɔ Pɔmbɔɔ Biilu Mɛlɛka
Mi Mɛlɛka soliŋ Samiɔŋ pɔmbɔɔ kpeku le mbo dimul Masa wanaa soliaa salaa Ilai yooŋgu tuu kpɛiyo.
