TE ISƆLUƐITIIYA del dɔɔ pɛ o kpundɔɔ niŋ, a mɛli yeelaŋ o Jɛhowa lo. Okoŋ, Jɛhowa hɛli simlachiaa kɔl sikpaa le nda malaa. Baabuiyo veelu simlachiaa haa aa wanaa kialaa ŋyamaa. Chɔɔsuaa wa wana kialaa ŋyama tasoo ni. Mɛɛ ndu vi, mi wanaa kialaa ŋyamaa cheleŋ miiŋgu o fonda ndɔɔ, nda cho Ɔfiniɛl, Ihud a Siamika ni. Kɛ waŋlaanduaa wa a ŋiɔɔŋ o wanaa mala haa Isɔluɛitiiya wa tɛɛŋ. Diola ndalaŋ lacho Dɛbola a Cheyɛl ni.

Wana lanɔ suaa le Mɛlɛka wo Dɛbola ndu wa ni. Te Jɛhowa chɔm ndu pɛ sɔɔŋ cho hunɔɔ yɔŋnɔŋ o siɔdii lachioo niŋndoŋ, ndu hivul waŋnda lende kinɛi. Dɛbola wa vɛlɛ wana kialaa ŋyamaa. O chiee lɛŋnde ŋpembu pum niŋ o wa ichali ni. O Wauwo bɛŋgu ndoo chal lɔɔlɔɔ ni. Loŋ waŋnda ndaa komal ndu ni le mbo mala nda a balahawɛila ndalaŋ.

A boondei hei Chabiŋ sul masaa le lɛŋnde Kenaŋndeŋ ni. Ndoo nɔ nyɛm nyaanaŋ chɔuwoŋ 900. Le mɛɛ puaa nduaa chɔuwa ndaa nɔla chɔuwo yɛ, mbo tosa mi Isɔluɛitiiya simnuŋ chiaa le ndu. Diola masa puaa nduaa chɔuwa lacho Sisila ni.

Paale pilɛ, mi Dɛbola veelu Belak mbo dimul ndu aa: ‘Naa Jɛhowa dimi ni: “Chua puaa 10,000 ma kuɛ a nda o pembei Tebɔ. Loŋ ya cho num chuu Sisila ni. Nduyɛ I cho tosa ma tiu ndu a puaa nduaa chɔuwa ba.”

Mi Belak dimul Dɛbola aa: ‘Te o yɔŋ pɛ ma chɛl le kɔlaŋ a ya latulu, mɛɛ ya bɛɛ icho lakɔ.’ Mi Dɛbola kua a ndu latulu. Kɛ mbo dimul Beluaki aa: ‘O cho num te cho tɔɔ sɔla le batiuwaa le, kanifuule Jɛhowa cho Sisila malɔɔ wana lanɔɔ o ba.’ Nduyɛ lende i yɔŋnuŋ ni.

Mi Belak kua o pembei Tebɔ le puaa chɔuwaa Sisilaa komallo. Mɛɛ mi Jɛhowa tosa mi mɛŋndaŋ ma pia cha. Okoŋ, mi puaa chɔuwaa Sisilaa a siaama lo o peelo. Kɛ mi Sisila ndu tual o nyɛ ndɔ nyaanaŋ chɔuwo choo, mbo sɔndaŋ.

Mɛɛ nyɔɔ viou kpɛɛ, mi Sisila huŋ o naa Cheyɛl lɔlla. Mɛɛ o yiya ndu, mbo ke ndu milikiiyaŋ nyɛ pɔmbɔ. Mɛɛ mi milikiiyaŋ ma tosa mi luaŋ ma huŋ ndu o hɔl. Okoŋ, mbo hiaŋ ndɔɔ o luaŋ fikpi. Mɛɛ mi Cheyɛl chua yɛŋndeŋ mbo baŋ deŋ po wɔɔŋndo hoo o lebol pi bɛndu. Mɛɛ Belak hiŋ, mi Cheyɛl chɔm ndu dialuŋ vilɛŋ Sisila woŋ. Komaa a che, mɛɛ mɛɛ Dɛbola dimi yɛ, lende i yɔŋnuŋ ni.

Ma mɛɛlu vɛlɛ masaa Chabiŋ diyɔɔ. Mɛɛ mi Isɔluɛitiiya sɔla vɛlɛ tiŋ kɔl nyuloo.