BUŊGƐI 4
Chɔŋ a Masa Tase Isɔluɛiya mbo huŋ bii a Chɛleŋ Babilɔŋ
Sɔɔl wa masa tase Isɔluɛitiiya ni, kɛ mi Jɛhowa kɛɛ ndu. Mɛɛ mbo siiŋguu Deeve masa. Okoŋ, mbo miŋgi ndu o fondaŋ Sɔɔllo. Ŋ cho hunɔɔ pɛɛku sɔɔŋ bɔɔ bɔɔ a Deeve okɔɔ. Teleŋ o wa chua piaandu wo, mbo sɔŋga a kuubanɔɔ Koolaya. Okoŋ kɔɔli mbo nyaanuŋ Sɔɔl, masa wɔɔŋ wa ndu paŋalaa wo. Teleŋ pilɛ, mi Abikɛɛ kuuna ndu le suɛi wɔɔŋnde pum tosaa.
Ŋ cho hunɔɔ vɛlɛ pɛɛku tau a Sɔlɔmɔŋ po ndɔ okɔɔ. Ndu ndoo miiŋgu masaa o foofo Deeve finya ndɔɔ ni. Masaa yaa wa tasiaa Isɔluɛi kinɛi, wana o wana fee chii wɔsilaŋ 40 o masaleŋ choo. O piɔm Sɔlɔmɔŋndo kɔɔli, mi Isɔluɛi piɔunuŋ tɛɛŋ Masɛi ndii ŋiiŋ. Masaleŋ ba luaŋndo, a masaleŋ ba touwo.
Kaalaŋ tɔ la wa o masale wa baluaŋndo leŋ niŋ ni. Wɔsilaŋ 257 masale leŋ le chii ni. Okoŋ, mi Asiliaŋnda huŋ tɛɛmbuu leŋ. Mɛɛ wɔsilaŋ 133 la hiou, mi masale kayii ŋiinde batouwo bɛɛ sɔla tambei. A boondii keŋ nda kuɛ a Isɔluɛitiiya o chɛleŋ niŋ Babilɔŋ ni. Mɛɛ sɔɔŋ yɔŋnuŋ kinɛi o Buŋgɛi HIƆƆLUEI hei niŋnde, ŋ chua fau fau wɔsilaŋ 510. O teleŋ koŋ niŋ, mi sɔɔŋ bɔɔ bɔɔ cheleŋ yɔŋnuŋ ŋ naŋ cho hunɔɔ sina a muŋ okɔɔ woŋ.
O BUŊGƐI HEI NIŊ
BUNDƐI 56
Sɔɔl—Masa Tase Isɔluɛitiiya
Mɛlɛka hɛli ndu o tase ndɔ ni kɛ okoŋ kɔɔli mbo kɛɛ ndu, ŋ pɛɛku suɛi sɔvɛ o taamasi Sɔɔl wo niŋ.
BUNDƐI 58
Deeve nda Koolaya
O ve a fanda yɔŋaa naa le Deeve chɔɔlaba Koolaya le, kɛ a wolɔɔ chɔu hiou faandaa poloŋndo.
BUNDƐI 59
Le Yɛɛ Deeve Nɔ Yɛ Mbo Nyaanuŋ
Sɔɔl wa wana tasoo le kɔllo naŋɔɔ a Deeve ni, kɛ mbo kɛsiŋ paŋala diyaa o kɔl le ndu. Le yɛɛ?
BUNDƐI 61
A Siiŋguu Deeve Masa
Deeve chɔm kɛsɛ maa o suiliŋ le waa masa Isɔluɛiya a nyɛ o tosa wo nduyɛ a suɛi ndoo kɛɛ le tosaa ve.
BUNDƐI 62
Kpundɔɔ Cho o Deeve Lo Chiɛiniŋ
Kɛ mi Deeve tosa suɛi wɔɔŋnde pum, mbo huŋ a kpundɔɔ yuŋgu ndɔɔ a ndupila choo le wɔsila bɔɔbɔɔ wa hunɔɔ laŋ.
BUNDƐI 64
Sɔlɔmɔŋ Taŋgul Maaŋndo
Mi che bɛɛ Sɔlɔmɔŋ ndoo nɔ taasioo tau, kɛ ma dimul ndu le mbo tosa suɛi idiɔmnde vɛlɛ a suɛi wɔɔŋnde.
BUNDƐI 65
Masaleŋ Le Piɔunuŋ Tɛɛŋ
Mɛɛ Chɛloboam kandu dɔɔ masaleŋ, mbo tosa mi waŋnda tɛɛmbuu sawa Mɛlɛkaa.
BUNDƐI 66
Chɛsibɛl—Masa Laandu Wɔɔŋndo
Nyɛ o nyɛ kuuna Masaa Ehaabi nda Masaa Chɛsibɛl le ndu sɔlaa le.
BUNDƐI 67
Chɛhosiafa Tiindaŋ o Chɛhowa Niŋ
Le yɛɛ puaa chɔuwa kuɛ yɛ o chɔuwo a wanaa soliaa ŋchonduaa nɔ wolɔɔ la chɔu o ba le wa lachi?
BUNDƐI 68
Puaambuaa Ŋiɔɔŋ Miiŋgu Vɛlɛ Yoomu
Baa wana vi niŋndo nɔla vɛlɛ mbo miiŋgu yoomu? I yɔŋnuŋ o paandoo niŋ!
BUNDƐI 70
Chona Nda Suu Bɛndoo
Taamasi sɔvɛ kuɛɛ Chona pɛɛku yɛ a nyɛ Chɛhowa dimul ndu le tosaa wo okɔɔ.
BUNDƐI 71
Mɛlɛka Mɛi Lediom le Kpele Hɛnɛkiɔɔ
Kele hɛnɛkɛ tasoo ve o bɔɔ le; kɛ hoo ndu cho chieeŋndo pei cha.
BUNDƐI 74
Laŋunɔ Nɔ Isiooŋ Too
Mi Chɛlimaya yiyaŋ maa o cho wɔ bɔɔ o pɔmbɔ le waa wana suaa le Mɛlɛka wo, kɛ Mɛlɛka ndoo sina maa o nɔla mbo tosa ndi.
BUNDƐI 76
Chulusalɛm Sɔla Tambei
Le yɛɛ Mɛlɛka ndoo chɛllɛ yaamɔɔwaa Isɔluɛiya, Babiloniaŋnda, ma tɛɛmbuu Chulusalɛm?
