NUAWƆ kaŋgboo hunɔɔ poo hoo challe o lebol. Chiisu cho hoo ni. Wɔsilaŋ 30 o cho niŋ ni. Chɔŋ cho koŋ a ndu latulu ni. Ŋ pɛɛku niŋ isɔɔ a Chɔŋ hoo okɔɔ. A loonuŋ teleŋ Meele kuɛ Lisabɛɛ wanayɛi ndɔ yilɔɔ wo? Chɛlɛkpɛ ndoo kpeeŋiaŋ koŋ Lisabɛɛ o dembe a nyaaloo wo cho Chɔŋ hoo ni. Kɛ yɛɛ Chɔŋ nda Chiisu cho yɛ tosaa naŋ?

Chɔŋ laŋga yiŋ Chiisu suŋ suŋ o pioo Chɔɔdaŋ. Naa wana yiŋ waŋndo ni: Mɛɛyaa ndu fɛŋ o mɛŋndaŋ bɛŋgu, okoŋ, ma soli ndu vɛlɛ chieeŋ. Le mɛɛ Chɔŋ ndoo tosal waŋnda naa yɛ, nyɛ koŋ ndaa veelu ndu ni aa Chɔŋ wana yiŋaa. Kɛ le yɛɛ Chɔŋ yiŋ yɛ Chiisu?

Chiisu huŋ dimul Chɔŋ ni maa o yiŋ ndu. Wanaa ndaa wookuŋ le yɔŋnda ndala wɔɔŋndaŋ nda Chɔŋ ndoo yiŋ ni. Kɛ baa yɔŋ wɔɔŋndo pa Chiisu bɛɛ ndoo tosa ni? Sako, paale pilɛ bɛɛ Chiisu tosa yɔŋ wɔɔŋ te, kanifuule Po Mɛlɛka chɛŋ choo choo wo o cho ni. Le sabu cheleŋ teŋgeŋ o dimul Chɔŋ ni maa o yiŋ ndu. Ŋ nuaŋnuŋndɔ nyɛ wa sabu koŋ ndo.

Tuupa mi Chiisu huŋ o Chɔŋndo naŋ, o wa fɛŋ kaapindɛinɔ. Nɛɛ cho yɛ kaapidɛinɔɔ? Wana tosiaa nyɔŋ mɛɛ kpelelaŋ, a kpeŋgbeilaŋ la cho naa yɛ cho kaapidɛinɔɔ ni. Kaapidɛinɔɔ Choosɛ, pɔnɔɔ Meele wa ni. Ndu pɛɛku Chiisu kaapidɛileŋ ni. Kɛ Jɛhowa yɔŋ Po ndɔɔ naŋ le lekaapidɛi le. O nɔ baala cheleŋ yɛ le ndu. Nduyɛ, teleŋndo fuuluu niŋ hoo ni le mbo kandu baala kalaa tosaa. Le chɔmndo maa o hiŋ le baala finya ndɔɔ tosaa, nyɛ koŋ o hiŋ o Chɔŋndo ni le mbo yiŋ ndu. Mi Mɛlɛka ndoo hini pa kɔl a hei?

A tonya, mbo hini kɔl. A mɛɛ ŋ cho chɔɔ naa yɛ, dimio naa Chiisu fula o mɛŋdaŋ niŋ, mi diomndo suaa o fondaŋ Mɛlɛkaa aa: ‘Po ni kaalaa cho hoo ni, nduyɛ I hini kɔl a ndu mɛɛ.’ Okoŋ, mi choo choo kumbiŋ, mi nyɔɔ tual ndu choo maa kaŋgbo. Kɛ o cho kaŋgbo kpeekpei le. Nyina diandaa Mɛlɛkaa ni.

Chiisu nɔ niŋ sɔɔŋ tau le yiyaŋndo a muŋ okɔɔ. Le hei, mbo kua o fondɛi yololɛi o pollo niŋ le palɛi 40. Loŋ Setana hiŋ naa ndu cha ni a tɔɔdaŋndaŋ. Bɛmbɔɔ le yaa waŋ Setana tɔɔndaŋ Chiisu ni le sawala Mɛlɛkalaŋ tɛɛmbuu wo.

Mɛɛ keŋ hiou fokpi, mi Chiisu miiŋguŋ. Mɛɛ mbo komal puaa pum. Mi puaa o komal haa wa simnuŋ buɛiyaa nduaa. Diola ndalaŋ lapum aa: Andulu, Pitɛ, ndu ndaa veelu vɛlɛ ni aa Saimɔŋ, Filipi a Nataniɛl ndu ndaa veelu vɛlɛ ni aa Batɔlomiu. Mi Chiisu nda buɛiyaa nduaa sɛnɛiya haa kua o chiee Nataniɛllo niŋ diolaŋ Kana o tanda Kalilio niŋ. Loŋ nda lo ni mi Chiisu kua o bɔŋaŋ nɔ kɛsiaa pum. O bɔŋaŋ koŋ o tosa kaamaa ndɔ tasoo ni. A sina pa kaamaa koŋ? Mbo siiŋguu mɛŋndaŋ muɛiyaŋ.