BUŊGƐI 7
Chɔŋ a Fulasɛiniŋ Chiisoo mbo huŋ bii a Teleŋ Nda Dɔu Pɔɔl o Chiɛi Manyumndo Niŋndo
Mɛɛ palɛi hiou iyaa o piɔm Chiisoo kɔɔli, mi Mɛlɛka miŋgi ndu yoomu. O paale leŋ choo, mbo fula buɛiyaa nduaa o hɔl haa bɛmbɔɔ leŋuɛɛnu. Le palɛi 40, Chiisu wa nda fulaa o hɔl. Mɛɛ keŋ hiou, buɛiyaa nduaa apum lo ndu nuaa tei mbo helnuŋ choo choo. Mɛɛ palɛi tɔ ihiou okoŋ kɔɔli, mi Mɛlɛka ke buɛiyaa Chiisuaa nyina ndɔ diandaa teleŋ nda wa chumndo Chulusalɛmndo.
Mɛɛ nyɔɔ viou kpɛɛ, mi yaamɔɔwaa Mɛlɛkaa wou buɛiyaa Chiisuaa o chiɛi manyumndo niŋ. Kɛ mi kiilanɔ Mɛlɛkaa soli nda. Mɛɛ keŋ hiou, ma vii vii Tiiviŋ a poutaŋ tei mbo wu pɛ. Kɛ ŋ cho hunɔɔ pɛɛku a mɛɛ Chiisu hɛli yaamɔɔwa haa o pilɛ mbo siiŋguu ndu buɛi ndɔ yɛ. Teleŋ Chiisu vi mi Mɛlɛka soli ndu o sɛiyo niŋndo, mi wɔsilaŋ layaa a tɛndaa tɛɛŋ la hiau. Okoŋ, mi Mɛlɛka viam Pitɛ naa Kɔniliɔɔ cha a yuŋgu ndɔɔ le nda yooŋgu kɛndɔɔ dimullo. Kɛ waŋnda haa ve ŋ Chuu le.
Ndoo wa niŋ le wɔsilaŋ 13 mi Pɔɔl kandu kɔlaŋ yooŋgu kɛndɔɔ dimio a Mɛlɛka okɔɔ. O kɔla ndɔla diiŋndɔ laŋ, mi Timotii tual ndu kɔɔli. Ŋ cho hunɔɔ pɛɛku a mɛɛ Pɔɔl nda chaaŋaa nduaa nda wa balɔɔ yooŋgu kɛndɛ Mɛlɛkaa dimioo wa sɔla nyaaloo yɛ. O mɛɛlulaŋ kpɔŋ, ma duau Pɔɔl o chiɛi manyumndo niŋ Luom. Mɛɛ wɔsilaŋ la hiou la tiɔɔŋ, ma mal ndu. Kɛ ma muliŋ vɛlɛ ma duau ndu o chiɛi manyumndo niŋ, okoŋ ma dii ndu. Sɔɔŋ yɔŋnuŋ o BUŊGƐI 7 ve hei niŋnde ŋ chua kpou kpou le wɔsilaŋ 32.
O BUŊGƐI HEI NIŊ
BUNDƐI 102
Chiisu Miiŋgu Yoomu
Mɛɛ kiilanɔɔ pimbul pouwo o sɛi Chiisoo, mi kɔndɔfillo bii puaa chɔuwaa wa sɛiyo mandaa wa a nyɛ nda che leniŋndo.
BUNDƐI 103
Chiɛiniŋ o Dio Kindaa Kɔɔli
Mɛɛ Chiisu o fula o sɛiyo niŋ, le yɛɛ buɛiyaa nduaa sina ndu le?
BUNDƐI 104
Chiisu Miiŋgu Choo Choo
Tuupa mi Chiisu miiŋgu o choo choo niŋ, mbo yɔŋgu buɛiyaa nduaa sawa mɛɛlaa pilɛ.
BUNDƐI 105
A Cho Chumndo Chulusalɛm
Le yɛɛ Chiisu ndoo tusi yɛ nyina diandaa buɛiya nduaa choo o paale Pɛntikɔsileŋ choo?
BUNDƐI 106
A Soli Nda o Chiɛi Manyumndo Niŋ
Mi simlachiaa Chuuwa duau buɛiya o chiɛi manumndo niŋ halikpeŋ a dimi yooŋgu kɛndɔɔ le, kɛ Mɛlɛka ndoo nɔ nyɛ cheleŋ pɔ o kɔl.
BUNDƐI 108
O Nɛi Tɛɛŋ le Kɔlaŋ Damasikɔɔ
Paŋgele suumiaa a diom fula choo choo wo siŋga yoomu Sɔɔl wo ni.
BUNDƐI 109
Pitɛ Kuɛ O Kɔniiliɔɔ Lo
Baa Mɛlɛka che pa waŋnda o kaaleŋ lepum niŋ maa nda hiou bɛnda a kaale cheleŋ?
BUNDƐI 110
Timoti—Wana Malaa Sɛnɛi Pɔɔllo
Mi Timoti mɛi chalta ndɔlaŋ mbo tual Pɔɔl kɔɔli le kɔlaŋ yooŋgu kɛndɔɔ dimioo a nyaaloo.
BUNDƐI 111
Poombɔ Lo O Luaŋ Mbo Dello
Mi Yutikɔɔ hiaunuŋ o luaŋ mɛɛ Pɔɔl wa suɛi nduɛi tasei yɔŋgoo, kɛ o ve teleŋ o wa suɛi diiŋ nduɛi yɔŋgoo wo le. Nyɛ yɔŋnuŋ o sɔɔŋ muuŋ ndoŋ tɛɛŋ ndo wa suɛi kɔndɔfili bɛndu.
BUNDƐI 112
Dɛndɔɔ Kɔɔlu
Mɛɛ Pɔɔl che maa nyɛ o nyɛ chuu tambu, mi Mɛlɛka yɔŋgu ndu yooŋgu ke ndu tiindaŋndo wo.
BUNDƐI 113
Pɔɔl Luɛi Luom
Vɛɛ Pɔɔl looku yɛ mbo tosa wali ndɔɔ maa wana Chiisu vem hɔlte ndɔ wo o chiɛi manyumndo niŋ?
