MƐƐ palɛi wa hiouwɔɔ fau, lende koni Chiisu wa wanaa laalaŋnda fulaa o hɔl ni. Paale pilɛ, wanaa laalaŋaa o fula o hɔlla ndaa wa le 500. Mɛɛ o fula nda o hɔl, a yɛɛ okɔɔ o soo yɛ o nda lo? A masale Mɛlɛkaleŋ okɔɔ o wa suɛi ni. Le waŋnda pɛɛkoo a masaleŋ ndeŋ okɔɔ Jɛhowa vem Chiisu o lɛŋndeŋ choo ni. Nduyɛ fula ndɔɔ o sɛiyo niŋ bɛɛ, o wa tuŋ hiouwɔɔ lachi a hei tosaa.

A loonuŋ pa nyɛ cho masale Mɛlɛkaleŋndo? Kɔmɛtii kpeekpei Mɛlɛkaa o choo choo niŋ. Nduyɛ, Chiisu Mɛlɛka hɛli ni le mbo wa masa le Kɔmɛtii koŋ. A mɛɛ naŋ pɛɛku niŋ yɛ, mi Chiisu chɔm mɛɛ o wa niŋ masa kɛndɛ yɛ. Teleŋ o wa o lɛŋndeŋ ndeŋ choo wo, mbo tosa sɔɔŋ kɛndɔŋ tau. Mbo ke waŋnda nyɛdiaa ma dia, mbo siŋgi wanaa lanaa, mbo miŋgi vɛlɛ waŋ vilɛiya yoomu.

Teleŋ Chiisu cho wa masaa le wɔsilaŋ waa pilɛ o choo choo niŋndo, vɛɛ chieeŋndo hoo o wa yɛ niŋ? Chieeŋndo kpede simnuŋ niŋ kpele hɛnɛkiɔɔ. Chɔula ve lɛ niŋ te, sawa tɛɛmbaa bɛɛ ve lɛ niŋ te, kɛlɛŋgaa mi naa wa. Piɔmndo bɛɛ ve niŋ kposoŋ te. Ŋ sina maa hei cho yɔŋnɔŋ kanifuule, le mi chieeŋndo wa kpele hɛnɛkiɔɔ Mɛlɛka toosiaa ndu ni. Nduyɛ, le mi waŋnda chieeya tuei yoomoo yeela leniŋ. Le sabu koŋ ndoo toosiaa kpeloo Idɛŋ o kandɔŋndo ni. Nduyɛ, Chiisu cho tosa a sabu mi hɛnaŋ Mɛlɛkaa yɔŋnuŋ o chieeŋndo hoo choo.

Boondei fuuluu niko le mi Chiisu miiŋgu choo choo. Le palɛi 40 Chiisu wa chɔɔmɔŋndo o buɛiyaa nduaa lo. Okoŋ nda laalaŋ niko kpeekpei ni maa Chiisu miiŋgu vɛlɛ yoomu. Kɛ tuupa mbo mɛi buɛiyaa nduaa, mbo dimul nda aa: ‘La faŋaŋ Chulusalɛm te. La lo loŋ tei mila sɔla nyina diandaa Mɛlɛkaa.’ Kpaaya Mɛlɛkaa nyina diandaa cho ni. Ndu cho buɛiyaa Chiisuaa mala ni ma tosa hɛnaŋ Mɛlɛkaa. O mɛɛlulaŋ kpɔŋ, mi Chiisu dimul nda aa: ‘La tɛnda niŋ seileŋ a ya okɔɔ ba o ba fee o chieeŋndo choo.’

Mɛɛ Chiisu chii sɔɔŋ muŋ dimi, mi suɛi kaamɛi pum yɔŋnuŋ. Mi Chiisu kandu helnɔŋndo choo choo a mɛɛ ŋ cho naa chɔɔ o fotueiyo niŋ yɛ. Okoŋ, mi yumu yumoo kumbu ndu kpu, buɛiyaa nduaa nɔla lɛ ma che ndu le. Chiisu helnuŋ choo choo fɔ, nduyɛ o cho niŋ masaa buɛiyaa tol ndu kɔɔli lɛŋ naŋ nda choo.