YƐƐNƐ ŋ cho yɛ chɔɔ naŋ? Puaa chɔuva cho o suaa humbuaa choo. Kɛ tofawɔ naa nda cho fulaa wa. A cho chɔnɔŋndo choo choo ma wa tolɔɔ lɛŋ. Kɛ o kpeekpei niŋ suaa cho pa choo choo?

Sako bɛɛ, haa cho suaa kpeekpei le. Ŋ sina hei pɛŋgu kanifuule suaa nɔla ma nyaanuŋ o hueiye niŋ te mɛɛ lɛŋ. Vɛ, lende le icho le? Kɛ Baabuiyo dimi maa suaa cho o choo choo niŋ. A sina le nyɛ o dimi lende wo?

Kanifuule o paandoo niŋ, a suaa ndaa kua o chɔulaŋ ni. Lelaŋ te Baabuiyo dimi pɛ maa waŋnda cho fulaa choo choo o suaa choo, mɛɛ ŋ nɔ miŋ sina maa Mɛlɛka nɔ chɔuwo le chɔulabaa a waŋnda chieeya o lɛŋndeŋ choo. A sina pa chɔu koŋ diolaŋ? Diola ndɔlaŋ aa Amakɛdɔŋ. Chɔu koŋ cho hunɔɔ dɛnɛwɔɔŋndo kpou chii o lɛŋndeŋ choo ni.

Chiisu cho wa kuubanɔɔ le chɔu Amakɛdɔŋndo hoo ni. Loonuŋ maa, Chiisu Jɛhowa hɛli ni le mbo wa masa o masale ndɔleŋ niŋ ni. Le sabu koŋ Chiisu wounuŋ mɔsil lemasaa ni. Nduyɛ a muɛi keŋ ndu o ba o cho yaamɔɔwaa Mɛlɛkaa kpou diyɔɔ ni. Kɔndɔfili bii naa pa le mɛɛ Mɛlɛka cho hunɔɔ wanaa dɛnɛwɔɔŋnda tɛɛmbuu yɛ?

Miiŋgu wɔ o Bundɛi tɔɛi. Yɛɛ ŋ cho yɛ chɔɔ? Mɛŋma bɛnduaŋ ma tɛɛmbuu wanaa wɔɔŋnda. Nɛɛnɛ tosa yɛ mi mɛŋma bɛnduaŋ ma huŋ? Jɛhowa Mɛlɛka ni. Nuawɔ vɛlɛ Bundɛi 15 ve. Yɛɛnɛ cho yɛ yɔŋnɔŋndo loŋ? Jɛhowa tɛɛmbuu Sodɔm nda Ŋgomola a yiŋndeŋ.

Muli wɔ vɛlɛ peeleŋ o Bundɛi 33 ve. Tofawɔ nyɛ cho yɔŋnɔŋndo a nyɛm nyaanaŋ ŋchɔu Ichiptiaŋnda woŋ. Nɛɛ tosa yɛ mi mɛŋndaŋ ma muuliaŋ nda choo mulukɛlɛɛ? Jɛhowa ni. Le wanaa nduaa kiindiaa o tosa lende ni. Nuawɔ vɛlɛ Bundɛi 76 nde. Loŋ bɛɛ a cho chɔ maa mi Jɛhowa chɛl mi wanaa nduaa, ndu cho maa Isɔluɛitiiya ni, sɔla tambei le dɛnɛ nda wɔɔŋndo.

Lelaŋ, te Jɛhowa yɔŋ pɛ puaa nduaa chɔuwa o choo choo niŋ le hunɔɔ wanaa yɔŋ wɔɔŋnda tɛɛmboo o lɛŋndeŋ choo naŋ, kɔndɔfili nɔ mbo bii naa le. Kɛ yɛɛ koŋ sim yɛ? Muli wɔ niko peeleŋ lekɔɔli miŋ che.