Kindiŋ ma nɔ yiyaŋ kɛndɔɔ a wanaa cho num nilaŋ yaŋɔɔ wa. Nɔ o kɔl maa chaaŋaa numaa laalaŋnda nɔ yeemɛi tau le Chɛhowa kɔllo nɛŋioo. O wa bɛɛ ma nɔ le nda silaa kioo, wa nda chandɔɔ.

Kpakpala sɔɔŋ pɛɛsa woŋ. A soliŋ sɔɔŋ muŋ kpeku kinɛi te o yɔŋ pɛ maa ŋ bɛnda le muŋ soliŋndo kpeku. Suɛi numnde kpou nɔ mii taŋgul waŋnda.

Soliŋ Diom Mɛlɛkaa kpeku nyɛkɛndɛi. Tosa mi waŋnda sina nyɛ Chɛhowa tosa niŋndo, nyɛ o cho tosaa wo, nduyɛ a nyɛ o cho hunɔɔ tosa le waŋnda chieeya wo. Ke wanaa cho num nilaŋ yaŋɔɔ wa tiindaŋndo, nduyɛ ma luei nda yoomuaŋ.